برطانیہ کا یونین سے علیحدگی کا فیصلہ ایک بُرا فیصلہ ہے: جنکر

یورپی یونین  کمیشن کے سربراہ جین کلاڈ جنکر نے کہا ہے کہ برطانوی پارلیمنٹ  کی رائے شماری  نے بلا سمجھوتہ علیحدگی کے خطرے میں اضافہ کر دیا ہے۔

برسلز میں منعقدہ یورپی یونین جنرل کمیٹی اجلاس کی بریگزٹ نشست سے خطاب میں جنکر نے کہا ہے کہ برطانیہ کا یونین سے علیحدگی کا فیصلہ ایک بُرا فیصلہ ہے۔

انہوں نے کہا ہے کہ بریگزٹ کی تاریخ میں 60 دن رہ گئے ہیں۔ برطانیہ کی وزیر اعظم تھریسا مے اور یورپی یونین کے درمیان طے پانے والے علیحدگی کے سمجھوتے اور مستقبل میں باہمی تعلقات کے تعین کے لئے سیاسی ڈکلیریشن  کے طویل مذاکرات اختتام پذیر ہو گئے ہیں اور یہ سمجھوتہ ممکنہ بہترین اور واحد سمجھوتہ ہے۔

جنکر نے کہا ہے کہ برطانوی پارلیمنٹ  کی رائے شماری بریگزٹ سمجھوتے  کے مذاکرات کے لئے کھلا نہ ہونے کی حقیقت کو تبدیل نہیں کر سکے گی۔

انہوں نے کہا کہ مباحث   کے آغاز سے متعلق شق صرف ایک ضمانت ہے اور یورپی یونین اشد ضرورت  نہ ہونے کی صورت میں اسے استعمال نہیں کرنا چاہتی۔ تاہم اس شق  کو من چاہی شکل میں منسوخ کیا جانا عدم اعتماد پیدا کرنے کا سبب بنے گا۔

آئرلینڈ کی سرحد کے یورپی یونین کی سرحد ہونے  پر زور دیتے ہوئے جنکر نے کہا ہے کہ یونین ہمیشہ آئرلینڈ کے ساتھ ہو گی۔

انہوں نے کہا کہ برطانوی پارلیمنٹ ابھی تک یہ بیان نہیں کر سکی کہ وہ چاہتی کیا ہے۔ ہم وزیر اعظم تھریسا مے کے ساتھ قریبی رابطے میں رہنا جاری رکھیں گے اور اس دائرہ کار میں یورپی یونین کے مطمع نظر کو بھی واضح شکل میں پیش کریں گے۔

جین کلاڈ جنکر نے کہا ہے کہ برطانوی پارلیمنٹ  کی رائے شماری نے بلا سمجھوتے علیحدگی کے خطرے کو بڑھا دیا ہے۔ یورپی یونین نے پُر سکون اور مفاہمتی شکل میں اس صورتحال کے لئے تمام ضروری  تیاریاں کرنا شروع کر دی ہیں۔

انہوں نے کہا ہے کہ یورپی یونین سمجھوتے والی علیحدگی کے حق میں ہے اور اس مقصد کے حصول کے لئے ہم دن رات کام کر رہے ہیں۔

یورپی یونین کے بریگزٹ چیف نگوشئیٹر مائیکل برنئیر  نے کہا ہے کہ بلا سمجھوتہ علیحدگی کے مقابل برطانوی پارلیمنٹ کے طرز عمل کو ہم نے قبول نہیں کیا۔

انہوں نے کہا ہے کہ سمجھوتے والی علیحدگی کے لئے اس وقت موجود سمجھوتہ واحد اور بہترین ترجیح ہے۔