اسپین کے وزیر اعظم نے کاتالونیا سے آزادی کا اعلان کرنے  یا نہ کرنے کی وضاحت کرنے کا مطالبہ کر دیا

اسپین کے  وزیر اعظم ماریانو راجوئے  نے کاتالونیا کی انتظامیہ سے آزادی کا اعلان کرنے  یا نہ کرنے کی وضاحت کرنے کا مطالبہ کیا ۔

 انھوں نے کہا کہ اگر آزادی کا اعلان کیا گیا تو کاتالونیا کی خود مختاری کے حقوق کو ختم کرتے ہوئے آئینی شقوں  پر عمل درآمد شروع کیا جائے گا ۔

اسپین کے علاقے کاتالونیا کے صدر چارلس پوئگڈیمونٹ نے آزادی کا اعلان معطل کر دیا  ہے ۔علاقائی پارلیمنٹ کے اجلاس سے خطاب کرتے ہوئے انہوں نے کہا کہ آزاد ریاست بننے کا عوام سے ملنے والا مینڈیٹ وہ قبول کرتے ہیں، یکم اکتوبر کے ریفرنڈم کے نتائج کی بنیاد پر کاتالونیا کو آزاد ملک بننے کا حق حاصل ہو چکا ہے ، یہ حق بھی مل چکا ہے کہ اسے سنا جائے اور احترام کیا جائے ۔ انہوں نے پارلیمنٹ سے کہا کہ ریفرنڈم کے اعلان کو معطل کر دیں تاکہ ڈائیلاگ کا سلسلہ شروع ہو سکے ۔