جرمنی میں 5 رکنی سربراہی اجلاس
شام میں سیاسی حل کے حصول کے لیے جنیوا مذاکرات کو جاری رکھے جانے کے معاملے پر اتفاق رائے
جرمن چانسلر انگیلا مرکل نے ترکی اور یورپی یونین کے درمیان مہاجرین کے معاہدے کا ایک بار پھر دفاع کیا ہے۔
مرکل نے امریکی صدر باراک اوباما، برطانوی وزیر اعظم ڈیوڈ کیمرون، فرانسیسی صدر اولاند اور اطالوی صدر ماتھیو رنزی کی ہان اوور میں میزبانی کی۔
5 رکنی اجلاس میں عالمی پیش رفت پر غور کیا گیا۔
جس کے بعد پریس بریفنگ دینے والی جرمن چانسلر نے بتایا کہ شام میں سیاسی حل کے حصول کے لیے جنیوا مذاکرات کو جاری رکھے جانے کے معاملے پر اتفاق رائے پایا جاتا ہے۔
انہوں نے غیر قانونی نقل مکانی کے حوالے سے کہا کہ خاصکر انسانوں کے اپنے ملکوں سے راہ فرار اختیار کے اسباب کے خلاف جدوجہد کرنی چاہیے، انہوں نے اس دائرہ کار میں یورپی یونین اور ترکی کے درمیان طے پانے والے مہاجرین معاہدے پر عمل درآمد کی اہمیت پر زور دیا۔
جرمن چانسلر کا کہنا تھا کہ غیر قانونی نقل مکانی کے معاملے میں کلیدی محل و وقوع کے حامل ممالک میں سے لیبیا میں سیاسی استحکام کے قیام کے زیرِ مقصد " قومی اتحاد حکومت" کی حمایت کرنے کا فیصلہ بھی کیا گیا ہے۔
لیبیا سے مہاجرین کی آمد کا سد باب کرنے کے لیے یورپی یونین مشن پر عمل درآمد کیے جانے کی یاد دہانی کرانے والی مرکل کا کہنا تھا کہ البتہ علاقے میں نیٹو کی مداخلت کا معاملہ زیرِ بحث نہیں ہے۔
