ترکیہ: مصطفی کمال اتاترک کی 86 ویں برسی پر صدر ایردوعان کا خصوصی پیغام

ترکیہ کے صدر رجب طیب اردوعان نے جمہوریہ ترکیہ کے بانی اور عظیم قائد مصطفی کمال اتاترک کی 86ویں برسی پر  خصوصی پیغام جاری کیا ہے۔

اردوعان نے اپنے سوشل میڈیا اکاؤنٹ سے جاری کردہ بیان میں کہا ہے کہ "میں، جمہوریہ ترکیہ کے بانی غازی مصطفی کمال اتاترک کو ان کی 86 ویں برسی پر احترام کے ساتھ یاد کرتا ہوں۔ میں جنگِ ملازگیرت سے لے کر آج تک اس سرزمین کو ہمارا وطن بنانے کی خاطر اپنی جانیں قربان کرنے والے تمام شہداء، غازیوں اور دلیروں کے لیے اللہ تعالیٰ سے رحمت کی دعا کرتا ہوں۔