ترکیہ: صدر عبدالفتاح السیسی ترکیہ پہنچ گئے

ترکیہ کا دارالحکومت انقرہ 12 سال کے بعد مصر سے صدارتی دورے کی میزبانی کر رہا ہے۔

صدر رجب طیب ایردوان کی دعوت پر مصر کے صدر عبدالفتاح السیسی آج  پہلی دفعہ سرکاری دورے پر ترکیہ تشریف لے آئے  ہیں۔

صدر رجب طیب ایردوان نے ایسن بوعا ہوائی اڈّے پر مہمان صدر کا خیر مقدم کیا ۔ صدر عبدالفتاح السیسی کے لئے صدارتی سوشل کمپلیکس میں بھی سرکاری استقبالیہ تقریب کا انعقاد ہو گا۔

صدر ایردوان، بیش تیپے میں سرکاری تقریب کے ساتھ مہمان صدر کا خیر مقدم کریں گے۔

دونوں صدر ترکیہ۔مصر اعلیٰ سطحی اسٹریٹجک تعاون کونسل کی سربراہی کریں گے۔

مذاکرات میں دونوں ملکوں کے درمیان تجارتی حجم کو 10 بلین سے 15 بلین ڈالر کرنے کے ہدف  تک رسائی کے مراحل کا جائزہ لیا جائے گا ۔ مذاکرات میں  توانائی ، صحت، سیاحت اور دفاعی صنعت کے شعبوں میں طویل المدت ساجھے داری امکانات پر بھی بات چیت کی جائے گی۔

اسرائیل کی طرف سے غزّہ میں جاری نسل کشی  اور علاقے کے لئے انسانی امداد کے موضوعات بھی دورے کے مذاکراتی ایجنڈے پر ہوں گے۔

ایردوان اور سیسی غزّہ میں فی الفور فائر بندی ، علاقائی مسائل کے پائیدار حل ، امن اور استحکام کے لئے ممکنہ مشترکہ اقدامات کا جائزہ لیں گے۔