فلسطین کی آزادی تک ہماری جدوجہد جاری رہے گی: آلتن

ترکیہ صدارتی محکمہ اطلاعات کے سربراہ فخر الدین آلتن نے انسٹاگرام کھُلنے کے بعد شیئر کردہ پہلی پوسٹ میں، ایران کے دارالحکومت تہران میں قاتلانہ حملے کے نتیجے میں شہید ہونے والے حماس سیاسی بیورو کے سربراہ اسماعیل ہنیہ کے لئے دعائے رحمت ومغفرت  اور جذباتِ احسان و تشّکر کا اظہار کیا ہے۔

آلتن نے کہا ہے کہ "میں، شہادت کے 10 ویں دن ، اسماعیل ہنیہ شہید کو دعائے رحمت و مغفرت اور جذباتِ احسان و تشّکر کے ساتھ یاد کر رہا ہوں۔ جب تک فلسطین آزاد نہیں ہو جاتا اور انسانیت کے خلاف نسل کشی کا ارتکاب کرنے والے سزا نہیں پا لیتے، صدر رجب طیب ایردوان کی زیرِ قیادت ہماری جدوجہد جاری رہے گی"۔