ہم نے دہشت گردی کا قلع قمع کردیا ہے: وزیر قومی دفاع  یشار گیولر

وزیر قومی دفاع  یشار گیولر  نے کہا کہ علیحدگی پسند دہشت گرد تنظیم PKK کو ترک مسلح افواج کی جانب سے لگنے والے دہچکے کے بعد انہیں اٹھنے کا کوئی موقع نہیں دیا جائے گا۔  

وزیر قومی دفاع  یشار گیولر  نے  ان خیالات کا اظہار دارالحکومت انقرہ میں منعقدہ افطار پروگرام میں شہداء اور سابق فوجیوں کے اہل خانہ سے ملاقات  کے دوران کیا۔

افطار کے بعد خطاب کرتے ہوئے  وزیر قومی دفاع  یشار گیولر  نے  کہا کہ ہمارے شہداء اور سابق فوجی جنہوں نے ہزاروں سالوں سے اس سرزمین کو اپنا وطن بنایا ہے۔ یہ سب  ہمارے وطن سے ہماری غیر متزلزل محبت کے لازوال نمائندے ہیں، ہماری عظیم قوم کی بہادری اور قربانی کے لازوال معمار ہیں۔

وزیر قومی دفاع  یشار گیولر  نے  کہا کہ ترکیہ تقریباً 40 سالوں سے دہشت گردی کے خلاف لڑ رہا ہے۔

انہوں نے کہا کہ غدار دہشت گرد تنظیم کے ارکان، جو ہمارے ملک اور قوم کے امن و سلامتی کو خطرے میں ڈالنے کا ارادہ رکھتے تھے، وطن سے اس عقیدت کے جذبے کے ساتھ لڑنے والے بہادر ترک فوجیوں کے چنگل سے نہ کحی بچے ہیں اور نہ ہی آئندہ بچ سکتے ہیں۔

انہوں نے کہا کہ  کہ ترک فوجیوں نے  دہشت گردی کو کاری ضرب لگائی ہے۔

انہوں نے کہا کہ سال کے آغاز سے لے کر اب تک 644 دہشت گردوں کو  2015 سے اب تک 40 ہزار 213 دہشت گردوں کو  غیر فعال  کیا جا چکا ہے۔ ہم اپنی کارروائیوں سے میدان میں قائم ہونے والے تسلط کو مزید مضبوط کرنے کے لیے پرعزم ہیں۔ دہشت گرد تنظیم اب ترکیہ میں کسی قسم کی کوئی کاروائی کرنے کے قابل ہی نہیں رہی ہے، ہم  دہشت گردوں کا قلع قمع  کرکے ہی دم لیں گے۔ وہ تنظیم جو ہمارے ملک، ہماری قوم اور ہمارے پڑوسیوں کے لیے خطرہ ہےکا سر کچلنے  کا سلسلہ جاری ہے  اور   دہشت گردی کے خاتمے تک جنگ جاری رہے گی۔