روس۔ یوکرین جنگ میں ترکیہ واحد ثالث ملک ہے: ایردوان

ترکیہ کے صدر رجب طیب ایردوان نے کہا ہے کہ بحیرہ اسود اناج راہداری سمجھوتے میں ترکیہ کی کامیابی ہر ایک کی زبان پر ہے۔

صدر رجب طیب ایردوان نے پرائیویٹ ٹیلی ویژن چینل کی مشترکہ براہ راست نشریات میں اخباری نمائندوں کے سوالات کے جواب دیئے اور ایجنڈے کے موضوعات کا جائزہ لیا۔

انہوں نے کہا ہے کہ ڈپلومیسی کے میدان میں ترکیہ کی کامیابی کی سب سے بڑی مثال روس اور یوکرین  ہیں۔ روس۔یوکرین جنگ میں ترکیہ واحد ملک ہے جسے اس وقت بحیثیت ثالث ملک دِکھایا جا رہا ہے ۔ بحیرہ اسود اناج راہداری  سمجھوتے کے معاملے میں ترکیہ کی کامیابی دنیا میں ہر خاص و عام کی زبان پر ہے۔

صدر ایردوان نے کہا ہے کہ صدر پوتن کے ساتھ ہمارے مذاکرات بھی نہایت واضح اور دو ٹوک ہیں۔ انہوں نے کہا ہے کہ میں اناج راہداری کے ذریعے بھیجے جانے والے اناج کے 44 فیصد کو یورپ بھیجنے کی بجائے آئیے اس اناج کو پسماندہ افریقی ممالک کو بھیجیں۔ جواباً  میں نے کہا ہے کہ ایسا ہے تو آپ گندم بھیجیں ہم اسے آٹے میں تبدیل کر کے یہاں سے پسماندہ ممالک کو بھیجتے ہیں۔ ہمارے درمیان اس موضوع پر اتفاق ہو گیا ہے۔ ایک دو دن میں صدر پوتن سے ہماری ٹیلی فونک ملاقات ہو گی اور ہم اس شعبے میں بھی اقدامات کریں گے۔

صدر ایردوان نے کہا ہے کہ اناج کی طرح کھاد کی بھی طلب مِل رہی ہے ۔  لہٰذا  ہم اناج کی طرح عالمی منڈیوں اور پسماندہ ممالک کے لئے کھاد کی  بھی رسد  کریں گے اور ان کے مسائل  کم کرنے کی کوشش کریں گے۔