صدر رجب طیب ایردوان کو تہنیتی پیغام
ترکی نے ،روس کی طرف سے کریمیا اور یوکرائن کی زمین کے ایک حصے کے الحاق کی مذمت کر کے نہ صرف یوکرائن کے ساتھ اپنی دوستی کو ثابت کیا ہے بلکہ اس بات کو بھی ثابت کیا ہے کہ اس کی پالیسیاں بین الاقوامی بنیادی حقوق کے اصولوں کی تابع ہیں۔ پوروشینکو
یوکرائن کے صدر پیترو پوروشینکو نے ترکی اور یوکرائن کے درمیان سفارتی تعلقات کی 25 ویں سالگرہ کے موقع پر صدر رجب طیب ایردوان کو تہنیتی پیغام بھیجا ہے۔
یوکرائن کے صدارتی انٹر نیٹ پیج سے جاری کردہ بیان میں پوروشینکو نے کہا ہے کہ یوکرائن اور ترکی کے عوام کے مابین دوستانہ تعلقات سینکڑوں سالہ ماضی کے حامل ہیں۔
انہوں نے کہا کہ ترکی یوکرائن کو تسلیم کرنے والے اوّلین ممالک میں شامل ہے اور یہ بات ہمارے لئے بہت اہمیت کی حامل ہے۔
پیترو پوروشینکو نے کہا کہ ترکی نے ،روس کی طرف سے کریمیا اور یوکرائن کی زمین کے ایک حصے کے الحاق کی مذمت کر کے نہ صرف یوکرائن کے ساتھ اپنی دوستی کو ثابت کیا ہے بلکہ اس بات کو بھی ثابت کیا ہے کہ اس کی پالیسیاں بین الاقوامی بنیادی حقوق کے اصولوں کی تابع ہیں۔
انہوں نے مزید کہا کہ دونوں ممالک کے درمیان 25 سالہ تعلقات کے دوران افراد کے مابین تعلقات کو فروغ دینے کے لئے ویزے کی معافی کا اطلاق ایک تاریخی فیصلے کی حیثیت رکھتا ہے۔
