ترکی:گیس ٹینکر میں دھماکہ، ستر افراد زخمی

ترک ضلع دیار بکر کی تحصیل لیجہ میں بے قابو ہونے والا گیس سے بھرا ٹینکر الٹنے کے بعد دھماکے سے پھٹ گیا ۔
اس جلتےہوئے ٹینکر سے اٹھنے والے شعلوں نے قریب سے گزرنے والی دو مسافر بسوں کو بھی اپنی لپیٹ میں لے لیا جس کے نتیجے میں ستر افراد زخمی ہو گئے۔
زخمی ہونے والوں میں سے بیس کی حالت تشویش ناک بتائی جاتی ہے۔
زخمیوں کو فوری طور پر دیار بکر اور قریبی اضلاع کے اسپتالوں میں منتقل کر دیا گیا ہے ۔