ہم نے اپنے معذور شہریوں کے لئے کسی بھی قربانی سے کبھی دریغ نہیں کیا: ایردوان

ہم نے اپنے معذور شہریوں کو اپنے خوابوں کی تکمیل کے امکانات فراہم کرنے کے لئے اب تک نہ تو کسی قربانی سے دریغ کیا ہے اور نہ ہی کریں گے: صدر رجب طیب ایردوان

1826198
ہم نے اپنے معذور شہریوں کے لئے کسی بھی قربانی سے کبھی دریغ نہیں کیا: ایردوان
erdogan engelliler.jpg
erdogan engelliler.jpg
erdogan engelliler.jpg

ترکی کے صدر رجب طیب ایردوان نے کہا ہے کہ ہم نے اپنے معذور شہریوں کو اپنے خوابوں کی تکمیل کے امکانات فراہم کرنے کے لئے اب تک نہ تو کسی قربانی سے دریغ کیا ہے اور نہ ہی کریں گے۔

صدر ایردوان نے دارالحکومت انقرہ میں صدارتی سوشل کمپلیکس میں خصوصی تعلیمی اداروں کے لئے کھیلوں کے سامان کی تقسیم کی تقریب سے خطاب کیا۔

خطاب میں انہوں نے سب سے پہلے تمام معذور شہریوں کو ان کے دن کی مبارکباد پیش کی اور کہا ہے کہ ہم نے اپنے معذور شہریوں کو اپنے خوابوں کی تکمیل کی سہولیات فراہم کرنے کے لئے نہ تو کسی قربانی سے دریغ کیا ہے اور نہ ہی کریں گے۔

انہوں نے کہا ہے کہ ہم ملک کے ہر ضلعے کو 27 ہزار 259 عدد کھیلوں کا سامان مہیا کریں گے۔ اس طرح ہمارے معذور شہری بھی کھیلوں میں شامل ہو سکیں گے اور مجھے یقین ہے کہ کھیل سمیت زندگی کے ہر شعبے میں کامیابیوں کی منزلیں طے کریں گے۔

انہوں نے کہا ہے کہ ٹوکیو 2020 پیرااولمپکس میں ہم نے 13 برانچوں اور 87 کھلاڑیوں کے ساتھ اپنی تاریخ کی سب سے بڑی شرکت کی۔ ہمارے کھلاڑیوں نے دنیا، یورپ اور دیگر بین الاقوامی چیمپئین شپوں میں متعدد تمغے حاصل کر کے اپنی ملت کا سر فخر سے بلند کر دیا ہے۔ 2024 پیرس اولمپکس کے لئے ہم نے ابھی سے تیاریاں شروع کر دی ہیں۔ مجھے یقین ہے کہ پیرس میں ہم کھلاڑیوں کی اور تمغوں کی تعداد کے حوالے سے انشاء اللہ نئے ریکارڈ قائم کریں گے۔



متعللقہ خبریں