قطر کے ساتھ مذاکرات کافی مفید رہے:ایردوان

صدر نےکہا کہ شیخ تمیم کے ساتھ دو طرفہ اور بین الوفود مذاکرات کیے جو کہ کافی مفید رہے،قطر کے ساتھ تعلقات کو مزید فروغ دینے اور نئے شعبوں کی حوصلہ افزائی کے لیے بھی سیاسی ارادوں کی تائید کی گئی

1744697
قطر کے ساتھ مذاکرات کافی مفید رہے:ایردوان

صدر رجب طیب ایردوان  نے دورہ قطر کے بعد صحافیوں سے موجودہ صورت حال پر  گفتگو کرتے ہوئے ان کے سوالوں کے جواب دیئے۔

 صدر نے امیر قطر کے ساتھ  دوحہ میں  اعلی اسٹریٹیجک کمیٹی کے 7 ویں اجلاس پر غور کرتے ہوئے کہا کہ شیخ تمیم کے ساتھ دو طرفہ اور بین الوفود مذاکرات کیے جو کہ کافی مفید رہے۔قطر کے ساتھ تعلقات کو  مزید فروغ دینے اور نئے شعبوں کی حوصلہ افزائی کے لیے بھی سیاسی ارادوں کی تائید کی گئی ۔

 دریں اثنا، یورپی یونین کی اجرا کمیٹی یعنی وزرا کمیٹی کی جانب سے کاروباری شخصیت عثمان قاوالا  کی وجہ سے ترکی پر عائد جرمانے سے متعلق صدر نے کہا کہ  ہمارے قانون نے جو بھی فیصلہ کیا وہ ہمیں قبول ہے ،ہم  یورپی یونین کے فیصلے کو مسترد کرتے ہیں ،ان سے جو ہوتا ہے وہ کر لیں۔

 



متعللقہ خبریں