اہم ایجادات 33

ریاست جیسی کوئی چیز نہیں ہے جو لوگوں میں قابل احترام ہو ۔ریاست دنیا میں صحت مند سانس کی طرح ہے

 سلطنت عثمانیہ کے سب سے مشہور سلطانوں میں سے ایک، سلیمان اعظم  کی اپنے بستر علالت پر لکھی گئی نظم کی یہ پہلی دو سطریں دراصل ہمیں یاد دلاتی ہیں کہ صحت مند طریقے سے سانس لینا کتنا ضروری ہے یہاں تک کہ اس شخص کے لیے بھی جو حکمرانی کرتا ہے، ہر جاندار چیز چاہے انسان ہو، حیوان ہو یا پودا، زندہ رہنے کے لیے ہوا کی ضرورت ہوتی ہے خواہ  مختلف شکلوں میں  ہی کیوں نہ ہو۔ لیکن ہوا کیا ہے اور یہ کیوں ہوتی ہے؟

آج، ہم جانتے ہیں کہ ہوا ایک گیس کا مرکب ہے جو زیادہ تر نائٹروجن، آکسیجن، کاربن ڈائی آکسائیڈ اور پانی کے بخارات پر مشتمل ہے، لیکن صدیوں پہلے لوگوں کے لیے یہ بہت غیر اہم معلومات تھی۔ بہر حال، اگر آپ سانس لے رہے تھے تو ہوا کا مواد بہت اہم نہیں تھا، لیکن 17ویں اور 18ویں صدیوں میں بڑھتی ہوئی آبادی، غیر منصوبہ بند شہری کاری اور بگڑتی ہوئی فضائی آلودگی جیسے مسائل نے کیمیائی  ترقی پذیر سائنس کے لیے ایک نیا تحقیقی میدان پیدا کیا۔  اس زمانے کے مشہور کیمیا دان اب ایک ہی مقصد کی تلاش میں تھے کہ  ہوا دراصل کیا تھی، جسے قدیم یونانی تہذیب سے لے کر اب تک پانی، آگ اور زمین کے ساتھ زندگی کے چار بنیادی عناصر میں سے ایک سمجھا جاتا ہے، اور اس میں کون سی گیسیں  ہوتی ہیں؟

پہلے مطالعہ کافی شوقیہ اور ناکافی تھے۔ ہوا کے بارے میں اپنے مطالعے میں، کیمیا دان جان بپٹسٹ وان ہیلمونٹ اور رابرٹ بوئل نے انکشاف کیا کہ ہم جس ہوا میں سانس لیتے ہیں وہ مختلف گیسوں پر مشتمل ہو سکتی ہے اور یہ ہوا   جلانے کے لیے ضروری ہے، لیکن وہ گیس کے مرکب کے بارے میں ٹھوس معلومات فراہم نہیں کر سکے۔ اس راستے پر پہلا قدم اسکاٹ لینڈ کے کیمیا دان جوزف بلیک نے اٹھایا۔  انہوں نے 1756 میں ہوا میں کاربن ڈائی آکسائیڈ گیس کا پتہ لگایا لیکن یہ جلد ہی واضح ہو گیا کہ کاربن ڈائی آکسائیڈ زہریلی ہے اور سانس لینے کے لیے ایک اور گیس کی ضرورت ہے۔ آکسیجن کی دریافت نے فطرت سے متعلق تمام سائنسی علوم اور ہماری زندگیوں میں بنیادی تبدیلیاں کیں۔   

آکسیجن کو دو کیمیا دانوں نے آزادانہ طور پر دریافت کیا تھا۔ انگلستان میں پادری اور کیمیا دان جوزف پریسلی اور سویڈن میں ولہیم شیل پہلے لوگ تھے جنہوں نے آکسیجن کی دریافت کی، لیکن چونکہ ولہیلم شیل نے اپنی دریافت پر اپنا سائنسی کام 2 سال تاخیر سے شائع کیا، اس لیے آکسیجن کی دریافت کے حوالے سے جو پہلا نام ذہن میں آیا وہ ہمیشہ جوزف  پریسٹلی کا تھا۔ ۔ اپنے تجربات میں جب پریسٹلی پہلی بار ایک عینک کی مدد سے سورج کی روشنی کا استعمال کرتے ہوئے مرکری آکسائیڈ کو گرم کر کے گیس کا مرکب حاصل کرنے کی کوشش کر رہے تھے، انہوں نے اتفاق سے دیکھا کہ ٹیسٹ ٹیوب سے گیس کا اخراج اس کی میز پر موجود موم بتی کی طرف ہو گیا اور موم بتی اچانک روشن ہو گئی۔ پریسلی نے اسی تجربے کو دہرایا اور اس نے جو نئی گیس حاصل کی تھی اسے ایک کنٹینر میں جمع کیا اور پھر اسے 2 چوہوں پر مشتمل ڈبے میں منتقل کیا جو دم گھٹنے سے مرنے والے تھے۔ اس گیس کے زیر اثر چوہوں میں اچانک جان پڑتے دیکھ کر پریسلی نے ایک قدم آگے بڑھ کر اس بار اپنی نئی دریافت کو اپنے اوپر آزمایا۔ وہ   اس منظر کو بیان کرتے ہیں کہ میں نے اپنے سینے میں ایک خاص ہلکا پن اور راحت محسوس کی۔ میں ایک خوشگوار احساس سے بھرپورتھا،" جوزف پریسلی  وہ سائنسدان تھے جنہوں  نے چاہے  خالص آکسیجن اتفاقاً  دریافت کی تھی ۔

اسی دور میں مختلف گیسوں خصوصاً آکسیجن کی دریافت، سائنسدانوں کے لیے اس دنیا کے اسرار کو سلجھانے کی کوشش کرنے والوں کے لیے ایک بہترین رہنما تھی لیکن کسی بھی نئی دریافت نے وہ خوشی ثابت نہیں کی جس کی وضاحت سلیمان  اعظم  نے کرنے کی کوشش کی۔ وہ اقوال جو اس نے صدیوں پہلے لکھی تھیں یعنی ایک سانس لینا اور چھوڑنا،  اس کی خوشی کا بدل نہیں  ہو سکتا ۔