ترک جغرافیائی مسجل مصنوعات 30

ترک صوبہ موعلا شہر کا ضلع ملاس،جو  بحیرہ ایجین کے ساحل پر اپنے سیاحتی علاقوں کے لیے جانا جاتا ہے، خاص طور پر زیتون اور زیتون کے تیل کی پیداوار کے ساتھ نمایاں ہے۔ میلاس ایوان صنعت و تجارت کی درخواست پر 2022 میں ترکیہ کی جغرافیائی طور پر مسجل  مصنوعات میں شامل ہونے والا میلاس روغن زیتون  صابن ضلع کے درختوں سے جمع زیتون سے بنا ہے اور اس میں تیزاب کی زیادہ مقدار موجود ہے اور وہ باقیات جو زیتون کے تیل کے برتنوں کے نیچے، زیتون یا دیودار کی لکڑی کی آگ میں جم جاتی ہیں۔

 یہ ایک قسم کا صابن ہے جسے اعلی درجہ حرارت پر "کاسٹک" نامی سوڈیم ہائیڈرو آکسائیڈ کے ساتھ ابال کر حاصل کیا جاتا ہے۔ میلاس زیتون کے تیل کا صابن جو اس خطے میں کئی سالوں سے روایتی طریقوں سے تیار کیا جاتا ہےجلد اور بالوں کو نرم کرنے کے لیے جانا جاتا ہے مقامی لوگ بھی ہاتھ دھونے اور کپڑے دھونے کے لیے اس صابن کو بڑے پیمانے پر ترجیح دیتے ہیں۔

 اس صابن  میں زیتون کے تیل کی ہلکی سی خوشبو  آتی ہے۔ میلاس زیتون کے تیل کا صابن دو مختلف طریقوں سے بنایا جا سکتا ہے: گرم طریقہ اور ٹھنڈا طریقہ۔ سرد طریقہ میں چونکہ زیتون کے تیل میں موجود اتار چڑھاؤ والے اجزا بخارات نہیں بنتے اور صابن کے مرکب سے الگ نہیں ہوتے، اس لیے اس طریقہ کی صارفین کی مانگ آج کل زیادہ شدید ہے۔

 میلاس زیتون کا تیل صابن، جسے پیداوار کے دوران پالش یا رنگنے کی ضرورت نہیں ہوتی ہے، اپنی قدرتی پیداوار اور بالوں اور جلد کو ملائمت کی وجہ سے اس علاقے میں آنے والے مقامی اور غیر ملکی سیاحوں کی توجہ اپنی طرف مبذول کرواتا ہے۔