راہِ ترقی پر گامزن ترکی ۔ 22
ترکی میں تعمیراتی سیکٹر کی سرمایہ کاریاں اور شمالی شہر پروجیکٹ
پروگرام " راہِ ترقی پر گامزن ترکی" کے ساتھ آپ کی خدمت میں حاضر ہیں۔ آج ہم آپ کے ساتھ ترکی میں تعمیراتی سیکٹر کی سرمایہ کاریوں اور شمالی شہر پروجیکٹ کے بارے میں بات کریں گے۔
ترقی پذیر اور ترقی یافتہ ممالک کے لئے تعمیراتی سیکٹر کی سرمایہ کاریوں کواقتصادی بڑھوتی کے حوالے سے بھی اور روزگار کے مواقع پیدا کرنے کے حوالے سے بھی ایک اہم سیکٹر سمجھا جاتا ہے۔ تعمیراتی سیکٹر کی سرمایہ کاریوں کی مدد سے اراضی کے مالک اور کنٹریکٹر فرموں کے ساتھ ساتھ سیکٹر کے لئے پیداوار دینے والی ذیلی صنعتی فرمیں ، مزدور اور بلواسطہ شکل میں ملکی اقتصادیات فائدہ حاصل کر رہی ہے۔ تعمیراتی سیکٹر خاص طور پر غیر تعلیم یافتہ اور غیر ہنر مند لیبر پاور کو روزگار کی فراہمی کی وجہ سے اور بھی اہمیت حاصل کر لیتا ہے۔ اس حوالے سے متعدد ترقی پذیر اور ترقی یافتہ ممالک تعمیراتی سیکٹر کو تازہ رکھنے اور سیکٹر کی سرمایہ کاریوں کو بلا تعطل جاری رکھنے کی کوشش کر رہے ہیں۔
ترکی میں تعمیراتی سیکٹر نے ، خاص طور پر سال 2002 کے اواخر میں شرح سود کے گرنے سے تیزی اختیار کر کے ترکی کے لوکو موٹیو سیکٹر کی شکل اختیار کر لی ہے۔ سال 2008 کا عالمی مالیاتی بحران خارج یہ سیکٹر لوکوموٹیو ہونے کی خصوصیت کو قائم رکھے ہوئے ہے۔ اس دور میں پرائیویٹ سیکٹر کی سرمایہ کاریوں اور اجتماعی ریذیڈنسی کے ادارے TOKİ کے پروجیکٹوں کی مدد سے بہت سے شہری گھروں اور کاروباری جگہوں کے مالک بنے اور بہت سے شہریوں کو کام کے مواقع میسر آئے۔ حکومتی مدد سے تعمیراتی سیکٹر میں کارکردگی دکھانے والے ادارے TOKİ نے گذشتہ دنوں رائے عامہ کو نئے منصوبوں کے متعلق معلومات سے آگاہ کیا۔ وزارت اعظمیٰ اجتماعی ریذیڈنسی کے ادارے TOKİ کے ضلع غازی آنتیپ میں زیر غور شمالی شہر پروجیکٹ سے متعلق بات کرتے ہوئے TOKİ کے سربراہ ایرگیون توران نے کہا کہ ایک سال سے غازی آنتیپ میٹروپولیٹن بلدیہ یونیورسٹی اور سرکاری اداروں کے ساتھ مل کر شمالی شہر پروجیکٹ پر کام کر رہی ہے۔ پروجیکٹ مکمل ہونے پر 50 ہزار مکانات حاصل ہوں گے۔ انہوں نے کہا کہ ہم اس پروجیکٹ کو بہت اہمیت دیتے ہیں اور یہ ایک ایسا بڑا ترین پروجیکٹ ہے کہ جس کی ذمہ داری TOKİ نے اکیلے اٹھائی ہے۔ اس پروجیکٹ کے ذیل میں جس اراضی پر تعمیر کی جائے گی وہاں تقریباً 2 لاکھ 50 ہزار سے 3 لاکھ افراد کی رہائش کی صلاحیت کے حامل ایک نئے رہائشی علاقے کی تشکیل کا منصوبہ بنایا جا رہا ہے۔ ترکی کے متعدد اضلاع کی آبادی کے 3 لاکھ افراد سے کم ہونے کے پہلو کو پیش نظر رکھتے ہوئے دیکھا جائے تو یہ منصوبہ مکمل ہونے پر 23 اضلاع سے زیادہ بڑا رہائشی علاقہ تشکیل دے گا۔ توران کی فراہم کردہ معلومات کے مطابق غازی آنتیپ میں 13 سال میں TOKİ نے UEFA کے معیاروں کے مطابق ایک اسٹیڈئیم اور کُل 17 ہزار 634 مکانات مکمل کر کے مالکان کو فراہم کئے ہیں ۔ ان سرمایہ کاریوں نے شہر کی ترقی میں اضافہ کرنے اور بے روزگاری میں کمی کرنے میں اہم کردار ادا کیا ہے۔ اس زمانی عرصے میں کی جانے والی سرمایہ کاریوں نے ضلع غازی آنتیپ میں روزگار کے امکانات پیدا کرنے کے ساتھ ساتھ بلواسطہ شکل میں تعمیراتی سیکٹر میں کام کرنے والی متعدد فرموں کے لئے روزگار کے نئے امکانات پیدا کرنے کی بھی حوصلہ افزائی کی ہے۔
حاصل کلام یہ کہ تعمیراتی سیکٹر، ترقی پذیر اور ترقی یافتہ ممالک کے لئے روزگار اور اقتصادیاتی بڑھوتی کے لئے سر فہرست سیکٹروں میں سے ایک ہے۔ تعمیرات کے سیکٹر میں کی جانے والی سرمایہ کاریاں براہ راست اور بلواسطہ شکل میں متعدد راستوں سے اقتصادیاتی ترقی میں کردار ادا کرتی ہیں۔ اس سیکٹر کی مدد سے پہلے ملک کے اندر ایک رہائشی علاقہ تشکیل پا رہا ہے اور اس کے بعد اس علاقے کے اطراف میں نئے تجارتی علاقے بن رہے ہیں۔ علاوہ ازیں تعمیراتی سرمایہ کاریوں کے دوران ہنر مند اور غیر ہنر مند لیبر پاور کے طور پر کثیر تعداد میں روزگار پیدا کیا جا رہا ہے۔ ترکی بھی ترقی کرتی ہوئی اقتصادیات کے ساتھ تعمیرات کے سیکٹر کو تازہ رکھنے والے ممالک میں سے ایک ہے۔ گذشتہ 10 سال کے دوران شرح سود میں کمی کی وجہ سے اس سیکٹر میں زیادہ تازگی پیدا ہوئی ہے اور سرمایہ کاریوں میں اضافہ ہوا ہے۔ ان سرمایہ کاریوں کا ایک حصہ پرائیویٹ سیکٹر کی طرف سے کیا جا رہا ہے جبکہ ایک حصہ TOKİ کی طرف سے کیا جا رہا ہے۔ شمالی شہر پروجیکٹ کے ساتھ بقول TOKİ کے سربراہ توران کے مطابق ترکی کے 23 اضلاع کی آبادی سے زائد افراد کو رہائش فراہم کی جائے گی اور اس پروجیکٹ کی مدد سے غازی آنتیپ میں ایک نئے رہائشی علاقے کی تشکیل کی جائے گی۔ اس رہائشی علاقے کی طفیل روزگار کے نئے امکانات پیدا ہوں گے اور عوام کی خوشحالی کے درجے میں اضافہ ہو گا۔ رہائشی علاقوں کے اطراف میں نئے تجارتی علاقے تشکیل پائیں گے جو ملکی اقتصادیات کی ترقی میں مثبت کردار ادا کریں گے۔
