غزہ میں پولیو ویکسین مہم کا آغآز،72 ہزاربچوں کو قطرے پلائے گئے

غزہ میں اقوام متحدہ اور مقامی وزارت صحت کے حکام کی مشترکہ کوششوں سے پولیو ویکسینیشن مہم جاری ہے جس کے دوران غزہ کے کچھ علاقوں میں عارضی جنگ بندی کی گئی ہے۔

بتایا گیا ہے کہ گزشتہ روز غزہ میں تقریبا 72 ہزار بچوں کو پولیو ویکسین دی گئی۔

درجنوں والدین اپنے بچوں کے ساتھ مرکز کے سامنے جمع تھے، جہاں پر طبی عملے نے بچوں کو ویکسین لگائی۔

شہریوں کو اتوار کی صبح ان کے فون پر ٹیکسٹ پیغامات موصول ہوئے کہ وہ اپنے بچوں کو لے آئیں۔

گزشتہ روز غزہ کی پٹی میں پولیو کے قطرے پلانے کی مہم باضابطہ طور پر شروع ہوئی، جس کا اعلان غزہ میں وزارت صحت کے ایک اہلکار نے  کیا۔

اقوام متحدہ نے اعلان کیا کہ یہ مہم مرحلہ وار  غزہ کی پٹی کے تمام علاقوں میں چلائی جائے گی جو تقریباً گیارہ ماہ سے تباہ کن جنگ کا سامنا کر رہی ہے۔ اس کے ساتھ "انسانی جنگ بندی" بھی ہو گی، جس کی شرائط مکمل طور پر واضح نہیں ہیں۔

غزہ کی پٹی میں گزشتہ ماہ ایک چوتھائی صدی میں پولیو کا پہلا کیس سامنے آنے کے بعد اقوام متحدہ نے ویکسینیشن مہم کا اعلان کیا تھا۔

وسطی غزہ کی پٹی میں ایک دس ماہ کا بچہ پولیو سے متاثر ہوا تھا جس کے خاندان کو جنگ کی وجہ سے بار بار بے گھر ہونا پڑا نے کہا کہ وہ غزہ کی پٹی کے بہت سے بچوں کی طرح اسے کبھی بھی ویکسین نہیں دلوا سکے۔

اقوام متحدہ کی ایجنسی برائے فلسطینی پناہ گزین انروا کے ترجمان لوئیس واٹریج نے تصدیق کی کہ اتوار کو دیر البلح کے ایک کلینک میں تقریباً 2000 بچوں کو پولیو سے بچاؤ کے قطرے پلائے گئے تھے۔

اس نے وضاحت کی کہ خیموں کے درمیان موبائل ٹیمیں کام ہیں اور اس بچے کے انگوٹھے پر سیاہی کا نشان لگایا جاتا ہے جس نے ویکسینیشن لے لی ہے۔

غزہ میں وزارت صحت نے اعلان کیا کہ اس نے مہم کے پہلے دن 72,611 بچوں کو قطرے پلائے۔