سال 2030 تک ہر کس تک پینے کے صاف پانی کی رسائی کو ممکن بنایا جائے، ترک وزیر زراعت و جنگلات

زراعت و جنگلات کے وزیر واحد کیرشچی نے کہا کہ ترکیہ اور 2030 تک  ہر کس کی پینے کے صاف پانی تک رسائی کے لیے تکنیکی  تعاون کرنے، اپنے تجربات  اور بہترین طریقوں کا اشتراک کرنے اور  بین الاقوامی تعاون کو فروغ دینے کے لیے پرعزم ہے۔

وزیر کیرشچی نے اقوام متحدہ کی اقتصادی   و سماجی کونسل میں  اقوام متحدہ واٹر کانفرس کے  دائرہ کار میں منعقدہ  ایک پروگرام سے خطاب کیا۔

موسمی تبدیلیوں  کے باعث ہر گزرتے دن پانی کی بڑھنے والی اہمیت پر توجہ مبذول کرانے والے کیرشچی   نے زور دیتے ہوئے کہا کہ   سال 2030 تک کے عالمی اہداف تک رسائی کے لیےاضافی وسائل  کو بروئے کار لانے اور تیکنیکی تعاون کو فروغ دینا  اہم ہے۔

انہوں نے  اس امر کی ضرورت پر زور دیا کہ موجودہ اعداد و شمار کے مطابق سال 2030 تک  پانی کے اہداف پر مبنی   قابل دوام  ترقی  کے مقاصد سے ہمکنار ہونے کے لیے عالمی سطح پر کوششوں کو  چار گنا تک بڑھانا ہو گا۔

انہوں نے اس بات کی نشاندہی کرتے ہوئے کہ ترکیہ، جو کہ قومی آمدنی کے مقابلے میں سب سے زیادہ انسانی امداد فراہم کرنے والے ممالک میں سے ایک ہے، نے دنیا کے مختلف حصوں، خاص طور پر افریقہ میں مختلف امور پر کام  شروع کر رکھا ہے ، 2005 سے ابتک  براعظم  افریقہ میں 512 کنویں کھود کر 1.85 ملین لوگوں کو پانی فراہم کیا گیا ہے۔