واٹس ایپ نے یورپی یونین کے اصولوں کو اپنانے کو قبول کر لیا

یورپی یونین نے اطلاع دی ہے کہ موبائل میسجنگ اور کالنگ ایپ واٹس ایپ اپنی سروس کی شرائط میں تبدیلیوں کے بارے میں زیادہ شفاف ہونے کے لیے پرعزم ہے۔

یورپی یونین کمیشن نے اعلان کیا کہ رکن ریاستی صارفین کے اداروں اور واٹس ایپ کے درمیان بات چیت کے بعد، ایپلی کیشن نے کنٹریکٹ اپ ڈیٹس کے حوالے سے صارفین کو بہتر طریقے سے آگاہ کرنے اور صارفین کی ترجیحات کا احترام کرنے پر اتفاق کیا ہے۔

یہ بتاتے ہوئے کہ واٹس ایپ صارفین کے لیے اپ ڈیٹس کو قبول نہ کرنے کی صورت میں ان کے لیے آسانی پیدا کر دے گا، کمپنی اپ ڈیٹ سے انکار کی صورت میں صارفین کو واضح طور پر مطلع کرے گی کہ سروس تک رسائی ختم ہو جائے گی۔

بیان میں کہا گیا کہ واٹس ایپ صارفین کا ذاتی ڈیٹا دیگر میٹا کمپنیوں یا فیس بک سمیت تیسرے فریق کے ساتھ اشتہارات یا دیگر مقاصد کے لیے شیئر نہیں کرے گا۔

فیس بک کی ملکیت واٹس ایپ نے 4 جنوری 2021 کو بہت سے ممالک میں نئی ​​"صارف کی سروس کی شرائط اور رازداری کی پالیسی" متعارف کرائی تھی  کہ جو لوگ معاہدے کو قبول نہیں کرتے ہیں،وہ 8 فروری 2021 سے اس ایپلی کیشن کو استعمال نہیں کر سکیں گے۔

معاہدے کی بہت ساری شقوں پر  رد عمل  کا مظاہرہ کیا گیا تھا۔ ان میں سے سب سے پہلے صارفین کی ذمہ داری تھی کہ وہ اپنا ذاتی ڈیٹا فیس بک کے ساتھ شیئر کریں۔