چین میں کورنا کیسوں کی تعداد  بلند ترین درجے پر پہنچ گئی

چین میں کورنا کیسوں کی تعداد، وباء کے آغاز سے لے کر اب تک کے،  بلند ترین درجے پر پہنچ گئی ہے۔

چین قومی صحت کمیشن کے جاری کردہ بیان کے مطابق ملک میں حالیہ 24 گھنٹوں کے دوران کورونا وائرس کی وجہ سے ایک موت واقع ہو چُکی ہے اور اسی دورانیے میں بیماری کی علامات کرنے والے 4ہزار 10 اور علامات ظاہر  نہ کرنے والے 27 ہزار 646  کیس رجسٹر کئے گئے ہیں۔

موسمِ خزاں میں ملک بھر میں کورونا کیسوں کی تعداد میں اضافہ ہو گیا ہے اور خیال ظاہر کیا جا رہا ہے کہ اومیکرون کے، زیادہ متعدی "BA.5.2"نامی، زیریں وائرس کا پھیلاو کیسوں کی تعداد میں اضافے کا سبب بن رہا ہے۔

صوبہ ہنان کے مرکزی علاقے 'جِنگ جو'  میں کیسوں کی تعداد پر قابو  میں ناکامی کی وجہ سے 8 تحصیلوں میں شہریوں کو 5 دن تک، اشیائےخوردنی اور طبّی ضروریات  کا اشد تدارک خارج، گھروں سے نکلنے سے پرہیز کی ہدایت کی گئی ہے۔

صوبہ 'گوانگ ڈونگ' کے مرکز اور چین کے سب سے بڑے شہر 'گوانگ جو' میں روزگار کی وجہ سے صوبہ ہوبئے  جانے والے مزدور قرنطینہ کے بعد اپنے عارضی رہائشی محلوّں کی طرف واپس نہیں لوٹ سکے اور  عملاً بے گھر ہو گئے ہیں۔

روزنامہ ساوتھ چائنہ مارنگ پوسٹ  کی خبر کے مطابق حفاظتی تدابیر کی وجہ سے تاحال بند تحصیل ہائیجو سے منسلک محلّوں میں مقیم مزدوروں میں سے کووڈ۔19 ٹیسٹ  مثبت والے مزدوروں کو عارضی قرنطینہ مراکز میں بھیجا  گیا تھا لیکن قرنطینہ کی مدت پوری ہونے کے بعد انہیں ان کے رہائشی محلّوں میں واپس جانے کی اجازت نہیں دی گئی۔

دارالحکومت بیجنگ میں بھی کیسوں کی تعداد وباءکے آغاز سے لے کر اب تک کی بلند ترین سطح پر پہنچ گئی ہے اور شہر میں حفاظتی تدابیر کو بتدریج سخت کیا جا رہا ہے۔

تقریباً 22 ملین آبادی والے شہر میں حالیہ 24 گھنٹوں کے دوران بیماری کی علامات ظاہر کرنے والے 500 اور ظاہر نہ کرنے والے 1139 کیسوں کی تشخیص ہوئی ہے۔ شہر میں یومیہ کیسوں کی تعداد حالیہ 2 دِنوں سے  1000 تک پہنچ گئی ہے۔