میڈ ان ٹرکی ونٹیلیٹرز کی برازیل کو برآمدات ایک فخر کی بات ہے، وزیر وارانک

وزیر ِ صنعت و ٹیکنالوجی مصطفی  نے  برازیل کو برآمد کردہ مقامی ونٹیلیٹرزکا حوالہ دیتے ہوئے کہا کہ ہزاروں کلو میڑ کی دوری پر ’’میڈ ان ٹرکی‘‘ کی تحریر کو   پڑھنا باعث فخر ہے۔

وارانک نے ترکی میں تیار کرتے ہوئے برازیل کو برآمد کردہ مقامی ونٹلیٹرز کی تصاویر کو ٹویٹر پر شیئر کرتے ہوئے  کہا کہ اس ملک میں میڈ ان ٹرکی کی تحریر کا مشاہدہ کرنا کیا آپ کے خیال میں بھی ایک فخر کی بات نہیں ہے؟

ساؤ پالو کے گورنر جواؤ دوریہ کا کہنا ہے کہ  دو ہزار 72 ونٹیلیٹرز کو ساؤ پالو صوبے کے مختلف سرکاری اسپتالوں میں رکھا گیا ہے۔

ان کا کہنا ہے کہ ان ونٹلیٹرز کی بدولت آئی سی یونٹس میں بستروں کی گنجائش دو گنا ہو سکتی ہے، جس سے صوبے میں کوئی بھی کووڈ۔19 مریض  علاج معالجے کی سہولت سے محروم نہیں رہے گا۔