مائیکروسافٹ: روسی ہیکرز کے حملوں کو ناکام بنا دیا گیا ہے

امریکی سافٹ ویئر فرم مائیکرو سافٹ نے  اعلان کیا ہے کہ روسی ہیکرز کے سائبر حملوں کا سدِ باب کر لیا گیا ہے۔

فرم نے دعوی کیا ہے کہ روسی ہیکروں نے ریپبلیکنز  کی ہم خیال تھنک ٹینک تنظیموں  کی خفیہ معلومات کو چرانے کی کوشش کی تا ہم اس کوشش کو ناکام بنا دیا گیا ہے۔

فرم کے حکام نے  یہ بھی دعوی کیا ہے کہ ان ہیکرز کا تعلق حکومتِ روس سے ہے۔

ادھر روس نے ان دعووں کی تردید کی ہے۔

کریملن کے ترجمان نے دیمتری پیسکووف  نے مائیکرو سافٹ کی جانب سے کسی قسم کی دلیل پیش نہ کرنے کا الزام عائد کیا ہے۔

انہوں نے کہا کہ ہم یہ نہیں جانتے کہ ہم نے امریکی صدارتی انتخابات میں کس قسم کی مداخلت کی ہے۔