کانگو میں ایبولا وائرس پھر سر اٹھانے لگا،54 افراد متاثر

کانگو میں  اس سال مئی میں پھیلنے  والی اس وبا کی وجہ سے 33 افراد ہلاک ہو چکے ہیں جبکہ54 اس میں مبتلا پائے گئے ہیں۔

کانگو میں ایبولا وائرس پھر سر اٹھانے لگا،54 افراد متاثر

افریقی ملک جمہوریہ کانگو میں ایبولا وائرس کا شکار مزید 4 مریض سامنے آئے ہیں۔

 وزارت صحت کے ترجمان نے بتایا اب تک شہر بینی میں 20 ہلاکتیں ہوچکی ہیں اور ویکسین کے باوجود صورتحال  کافی سنگین ہے ۔

 یاد رہے کہ کانگو میں 24 جولائی کو ایبولا کی وبا پھیلنے کی وارننگ جاری کی گئی تھی۔

 اس سال مئی میں پھیلنے  والی اس وبا کی وجہ سے 33 افراد ہلاک ہو چکے ہیں جبکہ54 اس میں مبتلا پائے گئے ہیں۔

کانگو میں مجموعی طور پر یہ نواں موقع ہے کہ وہاں ایبولا وائرس کی وجہ سے شہری ہلاکتیں ریکارڈ کی گئیں ۔

پہلی بار اس وائرس کا پتہ 1970 کی دہائی میں چلا تھا اور تب اس انتہائی ہلاکت خیز جرثومے کو مشرقی کانگو میں دریائے ایبولا کی نسبت سے نام دے دیا گیا تھا۔

افریقہ میں پچھلی مرتبہ ایبولا وائرس کی وبا کانگو ہی میں ایک سال سے بھی کم عرصہ قبل دیکھی گئی تھی جب اس وسطی افریقی ملک میں آٹھ شہری اس سے متاثر ہوئے تھے  جن میں سے چار افراد انتقال کر گئے تھے۔

واضح رہے ایبولا وائرس کے پھیلاؤ میں چمگادڑیں بھی اہم کردار ادا کرتی ہیں جو خود مبتلا  ہوئے بغیر دور دراز کے علاقوں تک اس وائرس کو  دیگر  پرندوں، حیوانات اور انسانوں تک پہنچا دیتی ہیں۔

وسطی افریقہ میں اس وائرس سے دو برس قبل ہلاکت خیز وبا پھیلی تھی جس کے نتیجے میں ساڑھے11ہزار افراد کی ہلاکت اورتقریبا 29 ہزار افراد متاثر ہوئے تھے۔

 اب تک اس وائرس کی وبا کا سامنا  گنی، سیرا لیؤن اور لائبیریا  جیسے ممالک کر چکے ہیں۔

 



متعللقہ خبریں