چست جینز خواتین کی ٹانگوں کے لیے نقصان دہ

آسڑیلوی ڈاکٹروں نے خواتین کو متنبہہ کیا ہےکہ چست جینز پہننے سے خواتین کی صحت پر منفی اثرات مرتب ہوسکتے ہیں۔
بین الاقوامی تحقیقی جریدے ’’جرنل آف نیورولوجی ، نیوروسرجری اینڈ سائیکیٹری‘‘ میں شائع آسٹریلوی ماہرین کی تحقیق کے مطابق چست جینز پہننے سے رانوں اور ٹانگوں کے دورانِ خون پر منفی اثر پڑتا ہے اور پاوں کی موجودگی کا احساس بھی جاتا رہتا ہے جو کہ کئی گھنٹوں تک جاری رہ سکتا ہے۔
ڈاکٹروں کا کہنا ہے کہ چست جینز پہننے سے ٹانگوں کے نچلے حصے پر موجود اعصابی ریشے بہت دیر تک دبائے رہنے سے وہاں خون فراہم رگوں اور پٹھوں کو ناقابلِ تلافی نقصان پہنچ سکتا ہے۔ جس کے نتیجے میں متاثرہ فرد مکمل طور پر چلنے پھرنے سے معذور بھی ہوسکتا ہے۔ جرنل آف نیورولوجی، نیوروسرجری اور سائیکائٹری نامی طبی جریدے میں ڈاکٹروں نے آسٹریلیا کی ایک ایسی 35 سالہ خاتون کا ذکر کیا جن کی پنڈلیاں سوج جانے کی وجہ سے ان کی چست جینز کاٹ کر الگ کرنی پڑی تھیں۔