موڈیز نے ترکیہ کی معاشی صورتحال کے حوالے سے جائزہ مکمل کر لیا

ترکیہ کی کریڈٹ ریٹنگ کو ملک کی بڑی، متنوع اور لچکدار معیشت، عوامی قرضوں کے معتدل  بوجھ اور مالیاتی اور میکرو اکنامک پالیسی کے اثرات  کو بہتر بنانے کا تعاون حاصل ہے

2234399
موڈیز نے ترکیہ کی معاشی صورتحال کے حوالے سے جائزہ مکمل کر لیا

اگرچہ بین الاقوامی ریٹنگ ایجنسی موڈیز نے ترکیہ کی کریڈٹ ریٹنگ کے حوالے سے کوئی فیصلہ نہیں کیا ہے، لیکن اس نے اعلان کیا ہے کہ اس نے ملک کی  پیریاڈیک ایوالوئیشن مکمل کر لی ہے۔

موڈیز نے 16 جنوری کو کی گئی پیریاڈیک ایوالوئیشن کے حوالے سے ایک بیان جاری کیا۔

کریڈٹ ریٹنگ ایجنسی کی طرف سے جاری کردہ ایک بیان میں کہا گیا ہے کہ ترکیہ کی کریڈٹ ریٹنگ کو ملک کی بڑی، متنوع اور لچکدار معیشت، عوامی قرضوں کے معتدل  بوجھ اور مالیاتی اور میکرو اکنامک پالیسی کے اثرات  کو بہتر بنانے کا تعاون حاصل ہے۔

بیان میں کہا گیا ہے کہ نمایاں طور پر سخت مالی پالیسی نے ملکی قرضوں کی نمو کو محدود کیا اور ترک لیرا پر اعتماد میں اضافہ کیا، معیشت کو متوازن کیا، افراط زر کے دباؤ کو کم کیا، کرنٹ اکاؤنٹ خسارے کو کم کیا اور غیر ملکی سرمائے کی آمد کی حوصلہ افزائی کی۔

بیان میں کہا گیا کہ مہنگائی میں کمی اس سال جاری رہنے اور سال کے آخر تک تقریباً 30 فیصد تک گرنے کی توقع ہے، اور مرکزی بینک کے زرمبادلہ کے ذخائر، سویپ کو چھوڑ کر، اب مضبوطی سے مثبت ہیں، جس سے بیرونی  نازک خطرات میں گراوٹ آئی ہے۔

بیان میں کہا گیا ہے کہ اس سال مالیاتی پوزیشن مزید محدود رہنے  کی توقع ہے، جس سے معیشت میں توازن برقرار رکھنے اور افراط زر کو کم کرنے  کا امکان ہے۔



متعللقہ خبریں