" غزہ لہو لہو"امریکہ نے اسرائیل کو مزید دفاعی امداد دے دی

اسرائیلی وزارت دفاع کا کہنا ہے کہ امریکا اسرائیل کو 8 ارب 70 کروڑ ڈالر کی فوجی امداد دے رہا ہے۔

 بتایا گیا ہے کہ  پینٹاگون میں اسرائیلی اور امریکی دفاعی حکام کی ملاقات ہوئی۔  

پینٹاگون کا کہنا ہے کہ  امریکہ ،اسرائیل کو 8 ارب 70 کروڑ ڈالر کی فوجی امداد دے رہا ہے جو کہ  خطے میں فوجی برتری کی اسرائیلی فوجی کوششوں کےلیے ہوگی۔ 

وزارت دفاع کا مزید کہنا ہے کہ جنگی ضروریات کی خریداری کےلیے ساڑھے تین ارب ڈالر اسرائیل کو مل چکے، 5 ارب 20 کروڑ ڈالر آئرن ڈوم سمیت اسرائیلی فضائی دفاعی نظام کے لیے مختص ہیں۔ 

 پینٹاگون  نے مزید کہا کہ  امریکی امداد اسرائیل- امریکہ مضبوط اور پائیدار اسٹریٹجک تعاون  کا مظہر ہے اور یہ اسرائیل کی سلامتی کےلیے امریکہ کے فولادی عزم کو ظاہر کرتی ہے۔