ترکی: جنوری۔فروری2021 میں 72 ممالک کو 785 ٹن چائے برآمد کی گئی

ترکی نے رواں سال کے پہلے 2 ماہ کے دوران چائے کی برآمدات سے 31 لاکھ 33 ہزار ڈالر زرِ مبادلہ کمایا ہے۔

مشرقی بحیرہ اسود برآمداتی یونین DİKB  کے اعداد و شمار کے مطابق جنوری۔فروری 2021 میں 72 ممالک کو 785 ٹن چائے برآمد کر کے 31 لاکھ 33 ہزار ڈالر زرِ مبادلہ حاصل کیا گیا ہے۔

جن ممالک کے ہاتھ سب سے زیادہ چائے فروخت کی گئی ان میں بیلجئیم، جرمنی اور امریکہ سرفہرست ہیں۔

سال کے پہلے 2 ماہ میں بیلجئیم کے ہاتھ 13 لاکھ 8 ہزار 677، جرمنی کے ہاتھ 3 لاکھ 244 اور امریکہ کے ہاتھ 2 لاکھ 33 ہزار 972 ڈالر مالیت کی چائے فروخت کی گئی۔

علاوہ ازیں گذشتہ سال کے برعکس اس سال آسٹریا، لبنان، رومانیہ، کرغستان، یوگنڈا، منگولیا، الجزائر، مصر، گیبن، نیوزی لینڈ، لائبیریا، بحرین، پیراگوئے، بنین، فلپائن، باہاماز،موریتانیہ، پانامہ ، اسپین، سربیا اور سینیگال کو بھی چائے برآمد کی گئی۔