ایرانی پیٹروکیمیکل فرم پر امریکہ نے پابندیاں عائد کردیں

متحدہ امریکہ نے ایران پر پابندیوں  کے حربوں میں مزید ایک کا اضافہ کیا ہے۔

امریکی وزارتِ خزانہ  کے غیر ملکیوں کے اثاثوں کے کنٹرول دفتر نے ایران کی بڑی ترین پیٹروکیمیکل فرم  پرشین  گلف پیٹروکیمیکل انڈسٹریز  اور اس کی 39 ذیلی فرموں کو پابندیوں کی فہرست میں شامل کرنے کا اعلان کیا ہے۔

متعلقہ ادارے  سے جاری کردہ تحریری اعلان میں پابندیوں کے جواز کے طور پر مذکورہ فرموں کے ایرانی پاسدارانِ انقلاب  فوج  کی ختم الانبیاء  نامی کنسٹرکشن  فرم  کو مالی امداد کی ترسیل کو پیش کیا گیا ہے۔

پابندیوں کے فیصلے کے حوالے سے تحریری اعلان کرنے والے امریکی وزیر ِ  خزانہ  اسٹیون  منوچن  کا کہنا ہے کہ "ہم اس فرم کو ہدف بناتے ہوئے ایران  کے مالی ذرائع کو روکنے کا مقصد رکھتے ہیں۔ یہ کاروائی پیٹروکیمیکل  شعبے  میں ایرانی پاسداران انقلاب کی مالی اعانت کرنے والی دیگر فرموں  کے خلاف بھی جاری رہے گی۔