پاکستان کی آموں کی برآمدات میں اضافہ
پاکستان نے دنیا بھر کوآموں کی فروخت شروع کردی۔ حکومتِ پاکستان کی جانب سے اموں کے برآمدات کو بہتر بنانے اور دنیا بھر پاکستانی آموں کو متعارف کروائے جانےکے لیے کی جانے والی کوششوں نے اس کا ثمرہ دینا شروع کردیا ہے
پاکستان نے دنیا بھر کوآموں کی فروخت شروع کردی۔ حکومتِ پاکستان کی جانب سے اموں کے برآمدات کو بہتر بنانے اور دنیا بھر پاکستانی آموں کو متعارف کروائے جانےکے لیے کی جانے والی کوششوں نے اس کا ثمرہ دینا شروع کردیا ہے۔
پاکستان سے بیس مئی کو برآمدی سیزن کے آغاز کے بعد سے پاکستان نے گیارہ لاکھ ڈالرز مالیت کے لگ بھگ 2200 ٹن آم برآمد برآمد کردیے ہیں۔
آل پاکستان فروٹ اینڈ ویجیٹیبل کے درآمدکنندگان اور تاجروں کی تنظیم کے چیئرمین وحید احمد نے کہا کہ سعودی عرب، متحدہ عرب امارات، ایران، افغانستان دولتِ مشترکہ کے ممالک اور عمان سمیت دیگرملکوں کو آم درآمد کیے گئے ہیں اور مزید کئی ایک ممالک کو جلد ہی آموں کی برآمد شروع کردی جائے گی۔
انہوں نے کہا کہ یہ پھل 500 ڈالرز فی ٹن برآمد کیا گیا ہے، جبکہ پچھلے سال 250 ڈالرز فی ٹن کی قیمت پر درآمد کیا گیا تھا۔
انہوں نے کہا کہ یہ کامیابی حکومت کی جانب سے برآمدی پھلوں اور سبزیوں کے لیے لکڑی کے بکسز کے استعمال کی پابندی کی وجہ سے حاصل ہوئی ہے۔
ان کا کہنا تھا کہ ’’برآمدکنندگان پُرامید ہیں کہ آم کی ترسیلات برآمدات کے مقررہ ہدف ایک لاکھ ٹن کو پار کرجائے گی، جس سے چھ کروڑ ڈالرز کی آمدنی ہوگی، اس کے مقابلے میں گزشتہ سال چار کروڑ اسّی لاکھ ڈالرزمالیت کے 94 ہزار ٹن آم برآمد کیے گئے تھے۔
اس سال توقع ہے کہ پاکستان میں آم کی پیداوار 18 لاکھ ٹن کے لگ بھگ ہوگی۔
متعللقہ خبریں

ٹرمپ نے درآمدی سٹیل اور ایلومینیم پر 25 فیصد ٹیرف عائد کر دیا
اگر پیداوار امریکہ میں ہوتی ہے تو کسٹم ڈیوٹی نہیں لگائی جائے گی