پاکستان، منی بسوں پر مسلح حملے میں 42 افراد ہلاک اور 20 زخمی

پاکستان کے صوبہ خیبر پختونخوا میں گزشتہ روز مسافر منی بسوں پر مسلح حملے میں 42 افراد ہلاک اور 20 زخمی ہو گئے۔

ڈان اخبار کے مطابق پاراچنار سے پشاور شہر جانے والی شیعہ مسلمانوں کو لے جانے والی منی بسوں پر مسلح گروہ نے فائرنگ کی۔

خیبرپختونخوا کے صوبائی وزراء میں سے ایک آفتاب عالم نے بتایا کہ اس حملے میں 42 افراد اپنی جانوں سے ہاتھ دھو بیٹھے۔

عالم نے بتایا کہ واقعے کے ذمہ داروں کی تلاش کے لیے تحقیقات جاری ہیں۔

بتایا گیا کہ 20 زخمیوں میں سے 10 کی حالت تشویشناک ہونے کے باعث ہلاکتوں کی تعداد بڑھ سکتی ہے۔

خیبرپختونخوا انتظامیہ کے ترجمان محمد علی سیف نے بتایا کہ قافلے میں تقریباً 200 گاڑیاں تھیں اور حملہ آوروں نے پہلے پولیس پر فائرنگ کی۔

ابھی تک کسی نے واقعے کی ذمہ داری قبول نہیں کی ہے۔

صدر آصف علی زرداری نے حملے کی مذمت کرتے ہوئے جاں بحق افراد کے لواحقین سے تعزیت کا اظہار کیا ہے۔

وزیر اعظم شہباز شریف نے بھی حملے کی مذمت کرتے ہوئے حملہ آوروں کو پکڑ کر عدالتی کاروائی کرنے کی ہدایت کی ہے۔

داخلی امور کے وزیر محسن نقوی نے اس واقعے کو "دہشت گردانہ حملہ" قرار دیا۔

صوبہ خیبر پختونخوا کے وزیر اعظم علی امین گنڈا پور نے اعلان کیا ہے کہ حملے میں جاں بحق ہونے والوں کے لواحقین کو مالی امداد فراہم کی جائے گی۔