پاکستان میں مون سون بارشوں کے باعث 133 افراد جان بحق

پاکستان نیشنل ڈیزاسٹر مینجمنٹ ایجنسی کے اعداد و شمار کے مطابق ملک بھر میں شدید بارشوں نے نظام زندگی کو بری طرح متاثر کیا ہے

2015643
پاکستان میں مون سون بارشوں کے باعث 133 افراد جان بحق

پاکستان میں 25 جون سے موثر ہونے والی مون سون بارشوں سے ہونے والی آفات اور حادثات میں جان کی بازی ہارنے والوں کی تعداد 133 اور زخمیوں کی تعداد 215 ہو گئی ہے۔

پاکستان نیشنل ڈیزاسٹر مینجمنٹ ایجنسی کے اعداد و شمار کے مطابق ملک بھر میں شدید بارشوں نے نظام زندگی کو بری طرح متاثر کیا ہے۔

ملک میں 25 جون سے جاری مون سون بارشوں سے ہونے والی آفات و حادثات میں 133 افراد جان کی بازی ہار گئے، پنجاب میں 65، خیبرپختونخوا میں 35، سندھ میں 10، بلوچستان میں 6، اسلام آباد میں 11، آزاد جموں کشمیر میں 5 اور گلگت بلتستان میں ایک   کل 133 افراد جان بحق ہوگئے ہیں۔

قومی میڈیا رپورٹس کے مطابق ملک کے سیاحتی علاقے گلگت بلتستان میں لینڈ سلائیڈنگ اور سیلاب کے باعث متعدد افراد علاقے میں   پھنسے ہوئے ہیں۔

ملک کے تجارتی مرکز کراچی میں بارشوں سے سیلابی صورتحال پیدا ہوگئی۔ شہر کے بعض علاقوں میں سڑکیں اور  گلیاں ، مکانات اور دکانیں زیر آب آ گئی ہیں۔

ہر سال جون سے ستمبر کے دوران ہونے والی مون سون کی بارشوں کے باعث  پاکستان میں بڑے پیمانے پر نقصان پہنچتا ہے۔

گزشتہ سال ملک میں مون سون کی بارشوں کے نتیجے میں آنے والے سیلاب سے 1739 افراد اپنی جانوں سے ہاتھ دھو بیٹھے تھے اور سیلاب سے  30 ارب ڈالر کا نقصان پہنچا تھا۔



متعللقہ خبریں