آرمی چیف کی تعیناتی، وزیرِ اعظم ہاؤس میں اجلاس جاری
وزیرِ اعظم ہاؤس میں وزیرِ اعظم شہباز شریف کی زیرِ صدارت منعقدہ اجلاس میں امین الحق، طارق بشیر چیمہ، مولانا اسعد محمود، شاہ زین بگٹی، اسرار ترین، رانا ثناء اللّٰہ، خواجہ آصف، عبدالقادر پٹیل، شیری رحمٰن، عون چوہدری ، ملک شہادت، سینیٹر طلحہٰ محمود، ریاض پی
آرمی چیف کی تعیناتی کے معاملے پر وزیرِ اعظم شہباز شریف کی صدارت میں کابینہ و اتحادیوں کا اہم اجلاس وزیرِ اعظم ہاؤس اسلام آباد میں جاری ہے۔
وزیرِ اعظم ہاؤس میں وزیرِ اعظم شہباز شریف کی زیرِ صدارت منعقدہ اجلاس میں امین الحق، طارق بشیر چیمہ، مولانا اسعد محمود، شاہ زین بگٹی، اسرار ترین، رانا ثناء اللّٰہ، خواجہ آصف، عبدالقادر پٹیل، شیری رحمٰن، عون چوہدری ، ملک شہادت، سینیٹر طلحہٰ محمود، ریاض پیرزادہ اور چوہدری سالک حسین شریک ہیں۔
اجلاس کے دوران وزیرِ اعظم شہباز شریف نے کورونا سے علالت کے دوران تیمار داری، نیک تمناؤں اور دعاؤں پر شکریہ ادا کیا۔
وزیرِ اعظم نے سیلاب زدہ علاقوں میں متاثرین کے ریلیف و بحالی کےاقدامات پر وزیرِ خزانہ، وزیرِ تخفیفِ غربت و سماجی تحفظ، چیئرمین بینظیر انکم سپورٹ پروگرام، وزیرِ موسمیاتی تبدیلی، وزیرِ مواصلات، پاور منسٹر، این ڈی ایم اے اور تمام متعلقہ اداروں کو خراجِ تحسین پیش کیا۔
وزیرِ اعظم شہباز شریف نے مصر کے شہر شرم الشیخ میں منعقدہ سمٹ میں وزیرِ خارجہ، وزیرِ اطلاعات اور وزیرِ موسمیاتی تبدیلی کی کوششوں کو خصوصی طور پر سراہا۔
کابینہ نے وزیرِ اعظم کے سیکریٹری سید توقیر شاہ کی مرحومہ والدہ اور حالیہ واقعات میں قانون نافذ کرنے والے اداروں کے شہید اہلکاروں کے لیے مغفرت کی دعا بھی کی۔
وزیرِ اعظم نے گزشتہ روز بھی مشاورت کی
گزشتہ روز بھی اہم عسکری تقرریوں کے بارے میں وزیرِ اعظم شہباز شریف نے وزراء اور اتحادیوں سے صلاح مشورے کیے تھے۔
اس موقع پر اتحادیوں نے وزیرِ اعظم سے کہا کہ آپ پر مکمل اعتماد ہے، مشاورت کرنے پر شکریہ، ہر فیصلے میں آپ کے ساتھ ہیں۔
متعللقہ خبریں
پاکستان میں شدید بارشوں اور سیلاب سے 98 افراد جان بحق
بارشیں 22 اپریل تک جاری رہیں گی اور بلوچستان اور خیبرپختونخوا میں اچانک سیلاب آنے کا خطرہ موجود ہے
