پاکستان میں گزشتہ 24 گھنٹوں کے دورانکورونا وائرس سے 50 افراد ہلاک

نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 1 ہزار سے زائد نئے کیسز سامنے آئے، ملک میں مجموعی کرونا کیسز کی تعداد 5 لاکھ 74 ہزار 580 ہوچکی ہے

1589763
پاکستان میں گزشتہ 24 گھنٹوں کے دورانکورونا وائرس سے 50 افراد ہلاک

 نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران ملک میں کرونا وائرس کے 1 ہزار 196 نئے کیسز سامنے آئے، ملک میں کرونا وائرس کے فعال کیسز میں کمی آرہی ہے۔

نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 1 ہزار سے زائد نئے کیسز سامنے آئے، ملک میں مجموعی کرونا کیسز کی تعداد 5 لاکھ 74 ہزار 580 ہوچکی ہے۔

ملک میں کرونا وائرس کے فعال کیسز کی تعداد 23 ہزار 665 ہوگئی۔

نیشنل کمانڈ اینڈ آپریشن سینٹر کے جاری کردہ اعداد و تازہ ترین شمار کے مطابق سندھ میں 256741، پنجاب میں 168891 جبکہ خیبرپختونخوا میں اب تک 71282 تصدیق شدہ کیسز رپورٹ ہوچکے ہیں۔

این سی او سی کا کہنا ہے کہ کرونا کیسز کی مجموعی تعداد وفاقی دارالحکومت اسلام آباد میں 43753، بلوچستان میں 19004، گلگت بلتستان میں 4954 اور آزاد جموں و کشمیر میں 9955 تک پہنچ گئی ہے۔

این سی او سی کے مطابق گزشتہ 24 گھنٹوں کے دوران کرونا وائرس کے مزید 50 مریض جاں بحق ہوگئے جس کے بعد ملک میں کرونا وائرس سے اموات کی تعداد 12 ہزار 708 ہوگئی۔

نیشنل کمانڈ سینٹر کا کہنا ہے کہ کرونا وائرس سے صحت یاب مریضوں کی مجموعی تعداد 5 لاکھ 38 ہزار 207 ہوگئی ہے۔

این سی او سی کے مطابق گزشتہ 24 گھنٹوں کے دوران کرونا وائرس کے 38 ہزار 453 ٹیسٹ کیے گئے، اب تک ملک میں 87 لاکھ 90 ہزار 986 کووڈ 19 ٹیسٹ ہوچکے ہیں۔

ملک بھر کے 735 اسپتالوں میں کرونا وائرس کے 16 سو 32 کیسز تشویشناک حالت میں ہیں۔



متعللقہ خبریں