کشمیر کا مسئلہ کشمیری عوام کی امنگوں کے مطابق حل ہونا چاہییے: وزیراعظم عمران خان

وزیر اعظم عمران خان نے کہا ہے کہ کشمیر کا مسئلہ کشمیری عوام کی امنگوں کے مطابق حل ہونا چاہییے۔

انہوں نے کہا کہ  پاکستان اور بھارت کے درمیان کشیدہ تعلقات کا ذمہ دار مودی ہے،دوجوہری ممالک کے درمیان جنگ تنازعات کا حل نہیں ہے، عالمی فورمز پر رابطوں، عالمی قوانین کا سہارا لینا ہوگا۔ اسرائیل بھی کشمیر پر بھارتی قبضے کی طرح فلسطین پر قابض ہے، فلسطینیوں کو آزادی دیئے بغیر اسرائیل کو تسلیم کرنے کا سوال ہی پیدا نہیں ہوتا۔

انہوں نے کہا کہ  مغرب نبی صلی اللہ علیہ وسلم اور قرآن سے مسلمانوں کی محبت اور احترام سے آگاہ نہیں ہے،فرانس اسلام کو دہشت گردی سے جوڑ رہا ہے،اسکے طویل المدتی اثرات ہوں گے،جو بہت برے ہوں گے، اسلام صرف ایک ہے اور وہ وہی ہے جو نبی صلی اللہ علیہ وسلم کا ہے،روشن خیال اور انتہاپسند اسلام کی اصطلاحات غلط ہیں،نیوزی لینڈ کی مسجد میں پچاس سے زیادہ مسلمانوں کو شہید کرنے والے کو کسی نے کرسچئیین انتہا پسند قرار نہیں دیا۔کووڈ 19 سے امیر ممالک کے مقابلہ میں غریب ممالک زیادہ متاثر ہوئے۔

بدھ کو ترکی کے ایک نجی ٹیلی ویژن چینل  کو   دیئے گئے اپنے انٹرویو میں انہوں نے کہا کہ بانی پاکستان قائد اعظم محمد علی جناح ریاست مدینہ کے سنہری اصولوں پر عمل پیرا ہونے کے خواہش مند تھے جن کی بنیاد انصاف اور برابری تھی، وہ جمہوریت پر یقین رکھتے تھے،ریاست مدینہ میں اقلیتیں برابر کی شہری تھیں،کسی کو مذہب کے حوالے سے کسی جبر کا سامنا نہیں تھا۔

انہوں نے کہا کہ پاکستان میں اقلیتیں برابر کی شہری ہیں،کرک میں ہندو مندر کو نشانہ بنانے پر حکومت نے فوری کارروائی کی اور شرپسندوں کو گرفتار کیا،اس کی دوبار تعمیر حکومت کرے گی۔

وزیر اعظم نے کہا کہ انہوں نے اپنی زندگی کا ایک بڑا عرصہ یورپ میں گزارا وہ دیگر مسلم راہنمائوں کی نسبت مغرب کے اسلاموفوبیا سے زیادہ اچھی طرح آگاہ ہیں،مغرب نبی صلی اللہ علیہ وسلم کی شان میں گستاخی پر مسلمانوں کا ردعمل نہیں سمجھ سکا،وہ نبی صلی اللہ علیہ اور قرآن مجید سے ہماری محبت اور احترام سے آگاہ نہیں،بدقسمتی سے مسلمانوں اور کرسچئیین کمیونٹی کے درمیان خلیج حائل ہے،بدقسمتی سے اس خلیج کو دور کرنے کی کوشش نہیں کی گئی۔

انہوں نے کہا کہ اسلام صرف ایک ہے اور وہ وہی ہے جو نبی صلی اللہ علیہ وسلم کا یے،روشن خیال اور انتہاپسند اسلام کی اصطلاحات غلط ہیں،نیوزی لینڈ کی ایک مسجد میں پچاس سے زیادہ مسلمانوں کو شہید کرنے والے کو کسی نے کرسچئیین انتہا پسند قرار نہیں دیا۔

انہوں نے کہا کہ کووڈ 19 سے امیر ممالک کے مقابلہ میں غریب ممالک زیادہ متاثر ہوئے،وہ اپنے بجٹ میں توازن کے لئے تگ ودو کر رہے ہیں،اس سے بے روزگاری،حکومتی محصولات میں کمی ہوئی،خسارے کا سامنا ہے،اپنی معیشت،سیاحت متاثر ہوئی،ہوٹل،شادی حال،ریسٹورنٹ بند ہوئے،نادرن علاقوں میں سیاحت بری طرح متاثر ہوئی،سری لنکا اور مصر جیسے ممالک کی سیاحت متاثر ہوئی۔