ترکی، بنکاک، امریکہ اوردیگر ایک سو ممالک میں پھنسےتمام پاکستانیوں کی مدد جاری ہے: عائشہ فاروقی

دفتر خارجہ کی ترجمان عائشہ فاروقی نے کہا ہے کہ سو ملکوں میں کام کرنے والے پاکستانی سفارتخانے بیرون ملک مقیم پاکستانیوں کو تمام ممکنہ امداد فراہم کر رہے ہیں۔

ایک نجی نیوچینل کے دیئے گئے ایک انٹرویو میں انہوں نے کہا کہ مالی امداد ان پاکستانیوں کو دی گئی جو  ترکی  بنکاک اور امریکہ میں شدید مشکلات کا سامنا کر رہے ہیں۔ 

انہوں نے کہا کہ سفارتخانے کے عملے نے خلیجی ملکوں میں رہائش پذیر مستحق خاندانوں میں اشیائے خوردنی تقسیم کیں اور انہیں مالی امداد بھی دی۔

انہوں نے کہا کہ سفارتخانے کے عملے نے ہوائی اڈوں پر وطن واپسی کے منتظر پاکستانیوں کو بھی امداد فراہم کی ہے۔ایک سوال پر انہوں نے کہا کہ ترجیح ان پاکستانیوں کو دی گئی ہے جن کے ویزوں کی مدت ےختم ہو گئی ہے۔