خان ۔ الثانی ملاقات، سیاحت، تجارت اور سرمایہ کاری کے شعبوں میں سمجھوتے

قطر کے امیر شیخ تمیم بن حماد الثانی 2 روزہ سرکاری دورے پر کل پاکستان کے دارالحکومت اسلام آباد پہنچے۔

اسلام آباد کے جوار میں واقع نور خان فوجی ائیر بیس پہنچنے پر پاکستان کے وزیر اعظم عمران خان نے مہمان امیر شیخ تمیم بن حماد الثانی کا استقبال کیا۔

وزیر اعظم خان ، خود گاڑی ڈرائیو کر کے مہمان امیر کو وزارت اعظمیٰ کی عمارت میں لائے جہاں دونوں رہنماوں کے درمیان مختلف شعبوں میں باہمی تعاون کے موضوع پر تبادلہ خیالات ہوا۔

رہنماوں کے درمیان مذاکرات کے بعد قطری اور پاکستانی حکام کی شرکت سے سیاحت، تجارت اور سرمایہ کاری کے شعبوں میں 3 سمجھوتوں پر دستخط کئے گئے۔

طے پانے والے سمجھوتوں کے مطابق  دونوں ملکوں کے درمیان تجارت اور سرمایہ کاری کے شعبوں میں مشترکہ ورکنگ گروپوں کے قیام ، سیاحت اور فیسٹیول کے شعبوں میں باہمی تعاون اور منی لانڈرنگ اور دہشت گردی  کی مالی معاونت  کے شعبے میں باہمی مشاورت  کا فیصلہ کیا گیا ہے۔

پاکستان کے صدر عارف علوی بھی امیر ِقطر شیخ ثانی کے ساتھ ملاقات کریں گے۔

واضح رہے کہ مہمان امیر نے پاکستان کا آخری دورہ  2015 میں کیا تھا۔