امریکہ-طالبان مذاکرات میں پاکستان کا کردار قابل تعریف رہا ہے: خلیل زاد

امریکی نمائندہ زلمے خلیل زاد نے کہا ہے کہ پاکستان نے امریکہ اور طالبان کے درمیان مذاکرات میں سہولت کار کا کردار ادا کیا جو کہ قابل تعریف رہا ہے

1141843
امریکہ-طالبان مذاکرات میں پاکستان کا کردار قابل تعریف رہا ہے: خلیل زاد

امریکی نمائندہ زلمے خلیل زاد نے کہا ہے کہ امریکہ  افغانستان سے انخلا کے لیے نہیں بلکہ امن کے لیے معاہدہ کررہا ہے۔

خبر کے مطابق، واشنگٹن میں امریکی نمائندہ خصوصی زلمے خلیل زاد برائے پاکستان و افغانستان نے یوایس انسٹیٹیوٹ آف پیس سے خطاب کے دوران کہا ہے کہ امریکہ افغانستان سے نکلنے کا نہیں بلکہ امن کا معاہدہ کررہا ہے اور طالبان سے مذاکرات بالکل ابتدائی مرحلے میں ہیں۔

زلمے خلیل زاد نے کہا کہ پاکستان نے امریکہ اور طالبان کے درمیان مذاکرات میں سہولت کار کا کردار ادا کیا اور پاکستان کا ان مذاکرات کی کوششوں میں مثبت کردار قابل تعریف ہے، امریکا پاکستان کے ساتھ بہترتعلقات چاہتا ہے۔

خصوصی نمائندہ زلمے خلیل زاد نے اپنے خطاب میں کہا کہ امریکا افغانستان سے جنگ کے خاتمے کیلیے کوشاں ہیں اور افغانستان سے نکلنے کا نہیں، امن کا معاہدہ کررہا ہے کیوں کہ طالبان سمجھتے ہیں کہ افغانستان میں فوج رہنے سے امن نہیں ہوسکتا۔

زلمے خلیل زاد کا کہنا تھا کہ امریکہ افغان حکومت اورطالبان میں مذاکرات چاہتا ہے لہٰذا افغان سرزمین کسی دوسرے کے خلاف استعمال نہیں ہونی چاہیے۔

امریکی نمائندہ زلمے خلیل زاد نے بتایا کہ طالبان سے پرامن انتخابات کیلیے معاہدہ طے پا جائے گا اور امید ہے کہ جولائی سے قبل امن معاہدہ طے ہوجائے گا تاہم اگر معاہدے پر پیشرفت نہ بھی ہوئی توافغان انتخابات بروقت ہوں گے کیوں کہ ہم چاہتے ہیں کہ طالبان بھی افغان انتخابات میں حصہ لیں۔

 



متعللقہ خبریں