پاکستان تحریک انصاف پارٹی عہدوں کو حکومتی عہدوں سے جدا کر رہی ہے
عبوری نظام قائم کرنے اور حکومتی عہدوں پر فائز حکام کو فی الفور پارٹی عہدے چھوڑنے کی ہدایت
پاکستان تحریک انصاف نے انٹرا پارٹی الیکشن کی بجائے مالی طور پرمستحکم اور پارٹی کے لیے خدمات ادا کرنے والے افراد کو پارٹی کے اندر عہدے دینے کا فیصلہ کیا ہے۔
پارٹی چیرمین عمران خان نے فوری طورپر حکومتی اور پارٹی عہدوں کو ایک دوسرے سے علیحدہ کرتے ہوئے عبوری نظام قائم کرنے اور حکومتی عہدوں پر فائز حکام کو فی الفور پارٹی عہدے چھوڑنے کی ہدایت کی ہے اور بلدیاتی الیکشن سے قبل پارٹی کو فعال بنانے کا فیصلہ کیا ہے جب کہ بلدیاتی الیکشن کے بعد انٹرا پارٹی الیکشن ہوں گے۔
صوبائی وزیر اطلاعات شوکت یوسفزئی کا کہنا ہے کہ بلدیاتی انتخابات کے لیے پارٹی کو منظم کیا جا رہا ہے، کسی کارکن کی حلق تلفی نہیں کی جائے گی اور میرٹ پر عہدے دیے جائیں گے۔ چیرمین کی ہدایت پر حکومتی اور پارٹی عہدے الگ کیے جارہے ہیں تاکہ کارکنوں کو بھی پارٹی میں عہدے مل سکیں۔
متعللقہ خبریں
پاکستان میں شدید بارشوں اور سیلاب سے 98 افراد جان بحق
بارشیں 22 اپریل تک جاری رہیں گی اور بلوچستان اور خیبرپختونخوا میں اچانک سیلاب آنے کا خطرہ موجود ہے