پاکستان پرراج کریں گے،نون لیگ عدلیہ کےہاتھوں ذلیل،عمران خان کےلیےایمپائرکی انگلی نہیں اٹھے گی:زرداری

پاکستان پیپلز پارٹی کے شریک چیئرمین آصف علی زرداری نے کہا ہے کہ آئندہ انتخابات کے بعد ہمارے بغیر کوئی حکومت نہیں بن سکے گی اگر کوئی حکومت بنی بھی تو چل نہیں سکے گی۔

سابق صدر آصف علی زرداری کا کہنا ہے کہ انہوں نے جس طرح ن لیگ کو سینیٹ نہیں لینے دیا اسی اگلی حکومت بھی نہیں لینے دیں گے اور جو بھی حکومت بنے گی وہ پیپلز پارٹی کے بغیر چل نہیں سکے گی۔

آصف زرداری نے کہا 2013 میں ان کے ہاتھ باندھ کر الیکشن میں اتارا گیا تھا جبکہ ن لیگ کو دھاندلی کی کھلی اجازت تھی مگر اب ایسی صورتحال نہیں ہے مسلم لیگ (ن) کو اب آٹے دال کا بھاؤ پتا لگ جائے گا۔

سابق صدر نے کہا کہ آئندہ انتخابات کے بعد پیپلز پارٹی کے بغیر کوئی حکومت نہیں بن سکے گی اوراگر کوئی حکومت بنی بھی تو چل نہیں سکے گی، جس طرح (ن) لیگ کو سینیٹ نہیں لینے دیا اسی طرح ن لیگ کو حکومت نہیں بنانے دیں گے۔ ن لیگ نے 5 برس میں کسانوں اور سرکاری ملازمین کو کچھ نہیں دیا، الیکشن میں کسان اور غریب سرکاری ملازمین ن لیگ سے انتقام لیں گے۔

پاکستان پیپلز پارٹی پارلیمنٹرین کے صدر آصف علی زرداری سے پیپلز پارٹی پنجاب کے صدر قمر زمان کائرہ کی سربراہی میں وفد نے ملاقات کی جس میں عثمان ملک، عاصم بھٹی اور رانا عرفان احمد خاں شامل تھے۔ آصف علی زرداری نے کہا کہ 2018ء کے انتخابات کے بعد ہمارے بغیر کوئی حکومت نہیں بن سکے گی اگر کوئی حکومت بنی بھی تو چل نہیں سکے گی، جس طرح (ن) لیگ کو سینیٹ نہیں لینے دیا اسی طرح ن لیگ کو حکومت نہیں بنانے دوں گا۔

شریک چیئرمین پیپلز پارٹی نے کہا کہ 2013ء میں ہمارے ہاتھ باندھ کر الیکشن میں اتارا گیا تھا،2013ء میں ن لیگ کو دھاندلی کی کھلی اجازت تھی مگر اب 2018ء میں ایسی صورت نہیں ہے مسلم لیگ (ن) کو اب آٹے دال کا بھاؤ پتا لگ جائے گا۔

آصف زرداری نے مزید کہا کہ بلاول بھٹو اور میں پنجاب کے ہر ضلع میں جائیں گے، ایک کام بلاول بھٹو کا ہے اور ایک کام میرا ہے، یہ دونوں کام ہی ضروری ہیں، پیپلز پارٹی نے کسانوں اور سرکاری ملازمین کو جو ریلیف دیا تھا انہیں آج بھی یاد ہے لیکن ن لیگ نے 5 برس میں ان دونوں طبقات کو کچھ نہیں دیا، الیکشن میں کسان اور غریب سرکاری ملازمین ن لیگ سے انتقام لیں۔