نواز شریف پر پارٹی کا صدر بننے کے دروازے دوبارہ بند

شق 203 میں ترمیم کے ذریعے ایک نااہل شخص کو سیاسی جماعت کا سربراہ ہونے کی اجازت دی گئی جو کہ عدالتی فیصلے کی تضحیک تھی، اپوزیشن

832932
نواز شریف پر پارٹی کا صدر بننے کے دروازے دوبارہ بند

پاکستانی سینیٹ نے الیکشن بل کی شق 203 میں ترمیم سے متعلق  حزب اختلاف کے بل کو  کثرتِ رائے سے منظور کرلیا ہے۔

جس کے تحت  کسی سرکاری عہدے پرنااہل قرار دیا گیا کوئی شخص سیاسی جماعت کا سربراہ نہیں بن سکتا۔

سینیٹ کے اجلاس میں تحریکِ انصاف کے رکن  شبلی فراز نے حزب اختلاف کے نام پر  الیکشن بل کی شق 203 میں ترمیم کا بل پیش کیا۔اس دوران انہوں نے اپنے بیان میں کہا کہ شق 203 میں ترمیم کے ذریعے ایک نااہل شخص کو سیاسی جماعت کا سربراہ ہونے کی اجازت دی گئی جو کہ عدالتی فیصلے کی تضحیک تھی، لہذا  ایوانِ بالا اس بل کو منظور کرے تاکہ کوئی بھی نااہل شخص سیاسی جماعت کا سربراہ نہ بن سکے۔ حکومت کی جانب سے وفاقی وزیر قانون زاہد حامد نے ترمیمی بل کی مخالفت کی، انہوں نے کہا کہ اپوزیشن غیر آئینی کام کر رہی ہے۔

مین سینیٹ نے بل پیش کرنے کی تحریک میں رائے شماری کرائی تو فیصلہ 21 کے مقابلے میں 46 ووٹوں سے اپوزیشن کے حق میں آیا بعد ازاں ترمیمی بل بھی کثرت رائے سے منظور ہوگیا۔ ترمیمی بل کے حق میں پیپلز پارٹی، جماعت اسلامی، تحریک انصاف، ایم کیو ایم اور مسلم لیگ (ق) کے ارکان نے ووٹ دیا۔

واضح رہے کہ حکومت نے الیکشن بل کی شق 203 میں ترمیم  کرتے ہوئے  نواز شریف کو  ایک مرتبہ پھر مسلم لیگ (ن) کا صدر  بننے کا حق دے دیا تھا۔

 

 

 



متعللقہ خبریں