چائنا راہداری منصوبے کے بارے میں تمام صوبوں کو یکساں حصہ دیا جائے گا: احسن اقبال

پاکستان کے  وفاقی وزیر ترقی و منصوبہ بندی احسن اقبال نے پاک چائنا  راہداری  منصوبے سے متعلق وزیر اعلیٰ خیبر پختونخوا پرویز خٹک سے ملاقات کی ہے۔

 وزیر اعلیٰ پرویز خٹک سے ملاقات کے دوران گفتگو کرتے ہوئے احسن اقبال کا کہنا تھا کہ مغربی روٹ سی پیک کا لازمی حصہ ہے جس میں ایک ملی میٹر بھی تبدیلی نہیں ہوئی ۔

انہوں نے اس موقع پر کہا کہ رواں ماہ بلوچستان میں مغربی روٹ فعال ہو گیا ہے۔کسی صوبے کے ساتھ زیادتی نہیں کریں گے اور سی پیک میں صوبوں سے کی گئی تمام یقین دہانیاں پوری کی جائیں گی۔

انہوں نے کہا کہ پارلیمانی لیڈروں کوسی پیک ترقیاتی اسکیموں پرعمل درآمد سے آگاہ کریں گے اور اس سلسلے میں وزیراعظم پارٹی لیڈروں کااجلاس بلا کرسی پیک پرخدشات دور کریں گے۔ ہر صوبے میں ایک صنعتی پارک ہو گا ۔
اس موقع پر وزیر اعلیٰ پرویز خٹک کا کہنا تھا کہ 3صنعتی پارک سی پیک میں شامل کرنے کی سفارشات بھیجی ہیں ، سی پیک پروفاق کی یقین دہانی پر عمل درآمد جلد ہونا چاہیے۔