حکومت مخالف تحریک کیلئےاپوزیشن سرگرمم، نواز شریف کی پاناما لیکس کا معاملہ مفاہمت سےحل کرنے کی ہدایت
الیکشن کمیشن کے ارکان اور پاناما لیکس کے معاملے پرحکومت مخالف تحریک کے لئے اپوزیشن جماعتیں متحرک ہو گئیں۔ لاہور کے كیمپ آفس میں وزیراعظم نوازشریف کی زیر صدارت مشاورتی اجلاس ہواجس میں وزیرخزانہ اسحاق ڈار اور وزیراطلاعات پرویز رشید سمیت دیگر حكام نے شركت کی

عید کے بعد سیاسی سرگرمیاں تیز ہو گئیں۔ اپوزیشن پاناما لیکس پر نئی حکمت عملی کیلئے کمر بستہ ہو گئی۔ الیکشن کمیشن کے ارکان اور پاناما لیکس کے معاملے پر حکومت مخالف تحریک کے لئے اپوزیشن جماعتیں متحرک ہو گئیں۔
جبکہ وزیراعظم نوازشریف نے وفاقی وزرا کو پاناما لیکس کا معاملہ مفاہمت سے سلجھانے کی ہدایت کی ہے۔
لاہور کے كیمپ آفس میں وزیراعظم نوازشریف کی زیر صدارت مشاورتی اجلاس ہوا جس میں وزیرخزانہ اسحاق ڈار اور وزیراطلاعات پرویز رشید سمیت دیگر حكام نے شركت كی۔ ذرائع كے مطابق اجلاس میں ٹی اوآر اور الیكشن كمیشن كے اركان كی تقرری كے حوالے سے تبادلہ خیال كیا گیا جب کہ وزیراعظم نے وفاقی وزرا کو ٹی او آر كے معاملے پر مفاہمت كی ایك اور كوشش كی ہدایت كی۔
اپوزیشن لیڈر خورشید شاہ اور اعتزاز احسن نے تحریک انصا ف کے رہنما شاہ محمود قریشی سے پارلیمنٹ ہاؤس میں ملاقات کی۔ دیگر رہنماوں سے بھی رابطہ کیا اور بدھ کو اجلاس طلب کیا ہے جس میں تمام جماعتیں متفقہ حکمت عملی طے کرینگی۔ خورشید شاہ نے وزیراعظم کو مشورہ دیا کہ وہ ٹی او آرز پر ڈیڈلاک ختم کرنے کیلئے مداخلت کریں۔ خورشید شاہ نے مسلم لیگ قائد اعظم کے صدر چوہدری شجاعت حسین سے انکی رہائش گاہ پر ملاقات کی ۔ خورشید شاہ نے چوہدری شجاعت حسین کو جوائنٹ اپوزیشن کے اجلاس میں بھی شرکت کی دعوت دی ۔
شید شاہ کا کہنا تھا کہ وہ تمام اپوزیشن جماعتوں کی مشاورت سے الیکشن کمیشن کے ارکان کے لئے حکومت کو نام تجویز کریں گے۔ تحریک انصاف کا لاہور میں اجلاس ہوا ۔ احتجاج میں شدت لانے ، تحریک کے روٹس اور اپوزیشن جماعتوں سے رابطوں کی حکمت عملی پر غور کیا گیا۔ تمام ڈویژنل مقامات پر ورکرز کنونشن کرنے کا فیصلہ کیا گیا۔ کپتان لاہور، پشاور، کراچی اور کوئٹہ ہائیکورٹس بار سے بھی خطاب کریں گے۔ مسلم لیگ قائد اعظم اور عوامی مسلم لیگ کی قیادت نے بھی سر جوڑ لیے۔ چوہدری پرویز الہیٰ اور شیخ رشید کے درمیان احتجاجی تحریک کے حوالے سے فون پر مشاورت ہوئی۔
متعللقہ خبریں

صدر ایردوان کے پاکستانی ہم منصب کےلیے ٹوگ گاڑی کا تحفہ
صدر رجب طیب ایردوان نے پاکستان کے صدر آصف علی زرداری کو ترکیہ کی مقامی برقی گاڑی ٹوگ تحفے میں دی