چیف جسٹس پاکستان دورہ ترکی کے بعد پاناما لیکس کا فیصلہ کریں گے
وزیراعظم نواز شریف نے پاناما لیکس کی تحقیقات کے لئے چیف جسٹس انور ظہیر جمالی کو خط لکھا تھا
پاناما لیکس کی تحقیقات کے لیے پاکستان کے عدالتی کمیشن کے قیام کی حکومتی درخواست کے حوالے سے سپریم کورٹ کے قائم مقام چیف جسٹس کا کہنا ہے کہ پاناما لیکس سے متعلق عدالتی کمیشن کے بارے میں فیصلہ انور ظہیر جمالی وطن واپسی پر بذات خود کریں گے۔ واضح رہے کہ چیف جسٹس انور ظہیر جمالی ترکی کے دورے پر ہیں جہاں پر وہ چند دن قیام کریں گے۔ حکومتی ذرائع کا کہنا ہے کہ وزیراعظم کا اعلان کردہ جوڈیشل کمیشن 1956 کے ایکٹ کے تحت بنا جو مکمل طور پر آزاد اور با اختیار ہو گا۔ وفاقی حکومت نے کمیشن سے متعلق تمام متعلقہ اداروں کو بھی آگاہ کردیا ہے کہ کمیشن تحقیقات کے لئے کسی بھی شخص کو بلا سکتا ہے، اس کے علاوہ کمیشن کو غیر ملکی آڈٹ فرم تک رسائی کا اختیار بھی حاصل ہو گا جب کہ اس حوالے سے تمام تر اخراجات وفاقی حکومت برداشت کرے گی۔ واضح رہے کہ گزشتہ روز وزیراعظم نواز شریف نے پاناما لیکس کی تحقیقات کے لئے چیف جسٹس انور ظہیر جمالی کو خط لکھا تھا تاہم چیف جسٹس آج ایک ہفتے کے لئے ترکی کے دورے پر روانہ ہو گئے ہیں۔
متعللقہ خبریں
پاکستان میں شدید بارشوں اور سیلاب سے 98 افراد جان بحق
بارشیں 22 اپریل تک جاری رہیں گی اور بلوچستان اور خیبرپختونخوا میں اچانک سیلاب آنے کا خطرہ موجود ہے