پاکستان کی سعودی عرب کی سلامتی کی واضح حمایت
جنرل راحیل شریف نے کہا ہے کہ سعودی عرب کی سالمیت کوخطرہ ہوا تو پاکستان سخت ردعمل دکھائے گا ۔
آرمی چیف جنرل راحیل شریف نے کہا ہے کہ سعودی عرب کی سالمیت کوخطرہ ہوا تو پاکستان سخت ردعمل ظاہر کرئے گا ۔
پاک فوج کے شعبہ تعلقات عامہ نے اعلان کیا ہے کہ آرمی چیف جنرل راحیل شریف نے پبی میں انسداد دہشتگردی ٹریننگ سنٹر کے دورے کے دوران پاک سعودیہ مشترکہ مشقوں الشہاب کا جائزہ لیا۔ اس موقع پر اپنے خطاب میں جنرل راحیل شریف نے کہا کہ پاکستان اور سعودی عرب کے درمیان تاریخی تعلقات ہیں۔ سعودی عرب کی سالمیت اور خودمختاری کوخطرہ ہوا تو پاکستان سخت ردعمل دیگا۔ آرمی چیف نے اپنے عزم کو دہرایا کہ انشاء اللہ ہم
پاکستا ن سے ہر قسم کی دہشتگردی کا خاتمہ کریں گے۔ انھوں نے کہا کہ پاکستان اور سعودی عرب کے درمیان مضبوط، برادرانہ اور گہرے تعلقات کی ایک طویل تاریخ ہے۔ پاکستان اور سعودی عرب کے درمیان مشقیں دونوں قوموں کی دہشتگردی کے خلاف مشترکہ کوشش ہے۔ دونوں ممالک کی سپیشل سروسز گروپ کی مشترکہ مشقوں میں دہشتگردوں کے ٹھکانوں کو تباہ کرنے کی تربیت دی جاتی ہے۔