رابطہ کمیٹی کی الطاف حسین سے بھوک ہڑتال کافیصلہ واپس لینےکی اپیل
ایم کیو ایم کے رہنما خالد مقبول صدیقی نے کہا ہے کہ الطاف حسین کارکنوں کو اپنی اولاد کی طرح چاہتے ہیں۔ کارکنوں پر مظالم پر الطاف حسین بے چین ہیں۔ کہ الطاف حسین کے بھوک ہڑتال کے فیصلے پر کارکن پریشان ہیں
لندن میں مقیم متحدہ قومی موومنٹ کے سربراہ الطاف حسین جنہوں نے کراچی میں ہونے والی ناانصافیوں کے خلاف اس بار تادم مرگ بھوک ہڑتال کرنے کا اعلان کیا ہے کے اس اعلان کے فوراً بعد ہی کراچی میں ایم کیو ایم رابطہ کمیٹی نے الطاف حسین سے بھوک ہڑتال کا فیصلہ واپس لینے کی اپیل کی ہے۔
ایم کیو ایم کے رہنما خالد مقبول صدیقی نے کہا ہے کہ الطاف حسین کارکنوں کو اپنی اولاد کی طرح چاہتے ہیں۔ کارکنوں پر مظالم پر الطاف حسین بے چین ہیں۔کراچی میں رابطہ کمیٹی کے دیگر ارکان کے ہمراہ پریس کانفرنس کرتے ہوئے خالد مقبول صدیقی نے کہا کہ الطاف حسین کے بھوک ہڑتال کے فیصلے پر کارکن پریشان ہیں۔ رابطہ کمیٹی سمیت تمام کارکن الطاف حسین سے اپنا فیصلہ واپس لینے کی اپیل کرتے ہیں۔
ان کا کہنا تھا کہ ایم کیو ایم کو الزامات کے سوا کچھ نہیں ملا۔ ایم کیو ایم کے کارکنوں کے ماورائے عدالت قتل اور تارگٹ کلنگ جاری ہے لیکن انصاف نہیں دیا جا رہا۔انہوں نے اپنے دیگر ساتھیوں کے ہمراہ الطاف حسین سے پارٹی اور پارٹی کے اراکین کی خاطر بھوک ہڑتال ختم کرنے کی اپیل کی ہے۔
متعللقہ خبریں
خیبرپختونخوا میں قبائل کے درمیان ہونے والی جھڑپ میں 5 افراد جان بحق
قبائلی رہنماؤں نے حکام سے تنازعات کو ختم کرانے کا مطالبہ کیا ہے