تحریک انصاف کا پارلیمنٹ میں واپس جانے یا نہ جانے پرغور

جوڈیشنل کمیشن کے قیام کے بارے میں نئے صدارتی آرڈینس کے جاری ہونے کے بعد پاکستان تحریک انصاف آج اپنے اجلاس میں پارلیمنٹ میں واپس جانے یا نہ جانے کے بارے میں فیصلہ کر رہی ہے۔
تحریک انصاف کی کورکمیٹی کااہم اجلاس آج(اتوارکو) بنی گالہ میں پارٹی کے چیئرمین عمران خان کی زیرصدارت ہو رہا ہے۔
اجلاس میں اسمبلیوں میں واپسی اورمشترکہ اجلاس میں شرکت کرنے یانہ کرنے سے متعلق فیصلہ کیاجائے گا۔ پارٹی کے سیکریٹری جنرل جہانگیرترین نے ایک ٹی وی کو بتایاکہ اسمبلیوں میں واپسی کے حوالے سے پارٹی میں مختلف رائے ہے۔ کورکمیٹی میں اس پرکھل کربحث ہوگی۔ انہوں نے کہا کہ پارٹی کے اندر زیادہ تر اراکین پارلیمنٹ مین واپس جانے اور پارلیمنٹ کے اندر رہتے ہوئے اپنی جدو جہد جاری رکھنے پر یقین رکھتے ہیں۔ تاہم اس سلسلے میں فیصلہ تحریک انصاف کی کور کمیٹی کے اجلاس میں کیا جائے گا اور عوام پر یہ ثابت کردیا جائے گا کہ تحریک انصاف کے اندر فیصلے جمہوری طریقے سے کیے جاتے ہیں کسی فردِ واحد کے فیصلے پر عمل درآمد نہیں کیا جاتا ہے۔
انھوں نے کہاکہ یمن کی صورتحال پرپارلیمنٹ کامشترکہ اجلاس الگ معاملہ ہے۔