چین نیوکلئیرسپلائیز گروپ کی رکنیت کے لیے پاکستان کی حمایت کرے گا
متحدہ امریکا کی جانب سے بھارت کی 48 رکنی نیوکلیئر سپلائرز گروپ میں شمولیت کی حمایت اور جوہری معاہدے پر واضح پیش رفت کے بعد چین نے جوہری معاملے پر پوری طرح پاکستان کیسات دینے کا فیصلہ کیا ہے
متحدہ امریکا کی جانب سے بھارت کی 48 رکنی نیوکلیئر سپلائرز گروپ میں شمولیت کی حمایت اور جوہری معاہدے پر واضح پیش رفت کے بعد چین نے جوہری معاملے پر پوری طرح پاکستان کیسات دینے کا فیصلہ کیا ہے۔
چینی حکام نے آرمی چیف جنرل راحیل شریف کے حالیہ دورہ چین کے دوران واضح یقین دہانی کرائی ہے جس کے بعد پاکستانی حلقوں میں اطمینان کی لہر دوڑ گئی ہے۔
امریکا کی جانب سے بھارت کی نیوکلیئر سپلائرز گروپ میں شمولیت کے سلسلے میں اصرار اور عملی اقدامات کی صورت میں چین جوہری تجارت اور برآمدات کنٹرول کرنیوالے اس عالمی ادارے میں پاکستان کی رکنیت کیلیے کوششیں کریگا۔
سفارتی چینلز سے پاکستان کو بتایا گیا ہے کہ اگر امریکا نیوکلیئر سپلائرز گروپ میں بھارت کی شمولیت کیلیے کوششیں اور لابنگ کرتا ہے تو چین یہی اقدامات پاکستان کے حوالے سے اٹھائے گا۔
متعللقہ خبریں
پاکستان میں شدید بارشوں اور سیلاب سے 98 افراد جان بحق
بارشیں 22 اپریل تک جاری رہیں گی اور بلوچستان اور خیبرپختونخوا میں اچانک سیلاب آنے کا خطرہ موجود ہے