مستعفی ہونے سے متعلق خبروں کی تردید: شہباز شریف

پنجاب کے وزیر اعلٰی شہباز شریف نے پاکستان مسلم لیگ نون حکومت کے مستعفی ہونے پر غور کرنے سے متعلق خبروں کی تردید کی ہے ۔
انہوں نے کہا کہ حکومت کا مستعفی ہونا پاکستان مسلم لیگ نون کے سیاسی کیرئیر کے خاتمے کا مفہوم رکھتا ہے۔
پنجاب کے وزیر قانون رانا مشہود نے شہباز شریف کے استعفے کے زیر غور ہونے کے پہلو سے متعلق خبر کی تردید کی ہے۔
آج صبح کے وقت پاکستان پیپلز پارٹی کے لیڈر شوکت بصریٰ نے دعوی کیا تھا کہ گورنمنٹ ماڈل ٹاؤن کے واقعے سے متعلق ابتدائی انفارمیشن رپورٹ رجسٹر کروانے کے لئے تیار ہے۔
یہ واقعہ 17 جون کو پیش آیا ، اس میں 14 افراد ہلاک ہو گئے اور اس واقعے کی وجہ سے شہباز شریف کے مستعفی ہونے کے پہلو پر غور کیا جا رہا تھا۔
بصری نے مزید کہا ہے کہ شہباز شریف کے مستعفی ہونے کی صورت میں راجا اشفاق سرور یا مجتبٰے شجاعت کی اس عہدے پر تعیناتی کے بارے میں غور کیا جا رہا تھا۔
دوسری طرف وفاقی وزیر داخلہ چوہدری نثار علی خان اور شہباز شریف کی آج رات مسلح افواج کے سربراہ جنرل راحیل شریف کے ساتھ ملاقات متوقع ہے۔
ذرائع کے مطابق ملاقات میں حکومت اور پاکستان تحریک انصاف کے درمیان ڈیڈ لاک کو ختم کرنے کے طریقوں پر غور کیا جائے گا۔