شام: PKK/YPG کی فائرنگ، 4 شہری ہلاک

شام کے شہر الرقہ میں علیحدگی پسند دہشت گرد تنظیم PKK/YPG کی جانب سے عوام پر فائرنگ کے نتیجے میں 4 شہری ہلاک ہوگئےہیں۔

اطلاع کے مطابق الرقہ کے شہریوں نے  PKK/YPGکے شہر سے انخلاء کے مطالبے کے ساتھ احتجاجی مظاہرہ کیا۔

 علیحدگی پسند تنظیم کے دہشت گردوں نے مظاہرین پر  فائرنگ کی جس کے نتیجے میں 4 شہری ہلاک ہوگئے ہیں۔ عوام کی طرف سے ردعمل جاری رہنے پر، دہشت گرد اپنی گاڑیوں پر سوار ہو کر علاقے سے فرار ہو گئے۔

 مقامی ذرائع کے مطابق  حسکہ شہر میں بھی عوام نے علیحدگی پسند دہشت گرد تنظیم کے خلاف احتجاج کیا اور PKK/YPG کے جھنڈے کی جگہ شام کا نیا پرچم  لہرانے کی وجہ سے مظاہرے میں شریک ایک شخص پر  فائرنگ کی گئی ہے۔

واضح رہے کہ  2017 میں علیحدگی پسند دہشت گرد تنظیم PKK/YPG کے دہشت گردوں نے عرب اکثریتی  آبادی والے شہر الرقہ پر قبضہ کر لیا تھا۔