اسرائیل نے کل شب فائر بندی معاہدے کو توڑتے ہوئے لبنان پر حملہ کیا

لبنان کے ساتھ 27 نومبر کو طے پانے والی جنگ بندی کا معاہدہ گزشتہ شب ملک کے جنوب میں اسرائیلی فوج کے حملوں  سے اپنی افادیت کھو بیٹھا۔

لبنان کی سرکاری ایجنسی این این اے کی خبر کے مطابق اسرائیلی فوج نے لبنان کے جنوب میں مختلف علاقوں میں فضائی حملے کیے۔

اسرائیلی جنگی طیاروں کے حملوں میں ڈراونز نے  گشتی پروازیں  کرتے ہوئے ان کی ہمراہی کی۔

اسرائیلی ڈراونز  نے  دارالحکومت بیروت کے آسمانوں پر  نچلی پرواز کی۔

اسرائیلی فوج نے 27 نومبر کو ہونے والی جنگ بندی کے باوجود لبنان کے خلاف کل حملے شروع کرنے کا اعلان کیا تھا۔

فوج کی جانب سے جاری کیے گئے تحریری بیان میں کہا گیا ہے کہ لبنان کے خلاف حملے شروع کر دیے گئے ہیں اور تفصیلات کا اعلان بعد میں کیا جائے گا۔

27 نومبر کو جنگ بندی معاہدے کے نفاذ کے بعد سے اسرائیلی فوج نے کم از کم 73 جنگ بندی کی خلاف ورزیاں کیں جس کے نتیجے میں 2 افراد ہلاک اور 6 افراد زخمی ہوئے۔

حزب اللہ نے اسرائیل کی جنگ بندی کی خلاف ورزیوں کی طرف اشارہ کرتے ہوئے، لبنان اور اسرائیل کے درمیان جنگ بندی کے معاہدے کے نافذ ہونے کے بعد پہلی بار اسرائیلی فوجیوں کو نشانہ بنایا، اور اس کی جانب سے کیے گئے "انتباہی" حملے میں راکٹ  ایک  کھلی اراضی میں  گرے تھے۔

دوسری جانب لبنانی وزیر خارجہ عبداللہ بو حبیب  نے بیان دیا ہے کہ  ان کا ملک اسرائیل کے ساتھ جنگ ​​بندی معاہدے کے حوالے سے اپنی ذمہ داریاں پوری کرے گا اور کہا کہ "تمام لبنانی سرزمین پر اسرائیلی قبضے کو ختم کرکے استحکام اور پائیدار امن حاصل کیا جا سکتا ہے۔"