شمالی شام پر روس کے فضاءی حملے،متعدد ہلاکتیں

شام کے شمالی صوبے حلب کے مغرب میں واقع دارت عزا اور اتریب کے اضلاع پر روسی جنگی طیاروں کے حملے میں 12 شہری ہلاک اور کم از کم 30 زخمی ہو گئے۔

حزب اختلاف کی طیارہ بردار رصد گاہ سے ملنے والی معلومات کے مطابق روسی جنگی طیاروں نے صوبہ  لزکیہ میں ہمیمیم بیس سے اڑان بھری اور داریت عزا اور اتریب میں شہری آبادیوں پر فضائی حملے کیے۔

سول ڈیفنس (وائٹ ہیلمٹس) ذرائع سے موصول ہونے والی معلومات کے مطابق ان حملوں کے نتیجے میں داریت عزا میں 4 شہری اور اتریب میں 8 شہری ہلاک ہوئے۔ ان حملوں میں 7 بچوں سمیت کم از کم 30 شہری زخمی ہوئے تھے۔

زخمیوں کو قریبی اسپتالوں میں منتقل کردیا گیا ہے۔

دوسری جانب حلب اور ادلب کے صوبوں میں بشار الاسد حکومت اور حکومت مخالف مسلح گروپ ہیئت تحریر الشام (ایچ ٹی ایس) کے درمیان جھڑپیں 2 روز سے جاری ہیں۔

حکومت مخالف گروہوں نے جھڑپوں میں اسد حکومت کے زیر کنٹرول کل 39 دیہات پر قبضہ کر لیا۔